Masacizgo

Kwambiska Masambiro gha Baibolo pa Cisulo Cakwamba mu Febuluwale

“Ŵanthu ŵakuliwona mwakupambana Baibolo. Ŵanyake ŵakuti ni Mazgu gha Ciuta. Ŵanji ŵakuti likuyana waka na mabuku ghanyake. Imwe mukuti wuli?” [Mulekani wazgore.] Mulongorani peji laumaliro la Gongwe la Mulinda la Febuluwale 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Febuluwale 1

“Ŵanthu ŵanandi ŵakukhumba kuti nkhondo yimare. Kasi mukughanaghana kuti vingacitika kuti pa caru capasi paŵe mtende? [Mulekani wazgore.] Wonani ivyo Baibolo likulayizga apa. [Ŵazgani Salmo 46:9.] Ivyo vikacitika pa nkhondo yakwamba ya pa caru cose na ivyo vikacitika pamanyuma pake, vikutipa ukaboni wakuti sonosono apa ivyo Ciuta wakalayizga pa lemba ili vicitikenge. Nkhondo yizamuŵakoso yayi. Ndivyo magazini iyi yikulongosora.”

Galamukani! Febuluwale

“Tikudumbiskana na ŵanyithu suzgo ilo likukhwaska waliyose. Taŵanthu tilije nyengo yakukwana kuti ticite vyose ivyo tikukhumba. Kasi mukughanaghana kuti nchifukwa cakuti tili na vyakucita vinandi panji tikumalira waka nyengo pa vinthu vyawaka? [Mulekani wazgore.] Ŵanthu ŵanandi ŵakumanya yayi kuti mu Baibolo muli ulongozgi uwo ungatovwira kuti tileke kumalira nyengo pa vinthu vyawaka. Umoza ukusangika pa lemba ili. [Ŵazgani Ŵafilipi 1:10a.] Magazini iyi yili na fundo zinayi izo zikovwira ŵanthu ŵanandi kuti ŵacite mwamahara na nyengo yawo.”