Masacizgo

Kwambiska Sambiro la Baibolo pa Cisulo Cakwamba mu Febuluwale

“Ŵanthu ŵanandi ŵakughanaghana kuti Dyabulosi ndiyo wakupangiska vinthu viheni ivyo vikucitika mu caru. Kweni ŵakujifumba kuti: ‘Kasi Dyabulosi wakafuma nkhu? Kasi Ciuta ndiyo wakamulenga?’ Kasi imwe mukutipo wuli? [Mulekani wazgore.] Wonani ivyo magazini iyi yikulongosora apa.” Mupani Gongwe la Mulinda la Febuluwale 1, na kumulongora nkhani iyo yili pa peji laumaliro. Dumbiskanani kamutu kacoko kakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Febuluwale 1

“Nkhukhumba kupulika maghanoghano ghinu pa nkhani ya munthu munyake uyo Ŵakhristu, Ŵayuda, na Ŵasilamu ŵakumucindika. Munthu uyu ni Mozesi. Kasi nchivici ico cikwiza mu maghanoghano ghinu para mwapulika zina lake? [Mulekani wazgore.] Nangauli wakabudiskanga vinthu vinyake, kweni wonani ivyo Baibolo likuyowoya. [Ŵazgani Duteronome 34:10-12.] Magazini iyi yikulongosora mikhaliro yiwemi yitatu iyo Mozesi wakaŵa nayo, na ivyo tingasambirako kwa iyo.”

Galamukani! Febuluwale

“Mazuŵa ghano ŵanthu ŵanandi ŵakuluta ku vyaru vinyake kukapenja umoyo uwemi. Kasi ni wose awo vikuŵayendera? [Mulekani wazgore.] Ivi vyamba sono yayi. Wonani ivyo Baibolo likuyowoya apa. [Ŵazgani Genesis 46:5, 6.] Magazini iyi yikuzgora mafumbo agha.” Mulongorani mafumbo agho ghali kuumaliro kwa peji 6.