Ndondomeko ya Sabata ya Juni 27

SABATA YAKWAMBIRA PA JUNI 27

Sumu 44 na Lurombo

□ Sambiro la Baibolo la Mpingo:

cf cipaturo 9 ndime 1-9 (Mamin. 25)

□ Sukulu ya Uteŵeti wa Ciuta:

Kuŵazga Baibolo: Salmo 52-59 (Mamin. 10)

Kuweleramo mu Sukulu ya Uteŵeti wa Ciuta (Mamin. 20)

□ Ungano wa Uteŵeti:

Sumu 27

Mamin. 10: Vipharazgo. “Kasi Nkhwenera Kulemba Wuli Nyengo?” Nkhani. Yiyowoyeke na mulara. Paumaliro, londezgani sacizgo limoza pa peji 4 kuti mulongore umo mungambiskira sambiro pa Cisulo cakwamba mu Julayi. Ciskani wose kuti ŵazakaciteko upharazgi uwu.

Mamin. 10: Nozgekerani Kugaŵira Magazini mu Julayi. Kudumbiskana. Kwa miniti yimoza panji ghaŵiri, yowoyani mwakudumura ivyo vili mu magazini agha. Pamanyuma, soranipo nkhani ziŵiri panji zitatu, ndipo ŵategherezgi ŵasacizge mafumbo agho ŵangakafumba na malemba agho ŵangakaŵazga pakugaŵira. Yezgelerani umo mungagaŵilira magazini yiliyose.

Mamin. 15: Ŵani Ŵaluso Pakupharazga. Kudumbiskana. Yafuma mu buku la Sukulu ya Uteŵeti, peji 197-199. Paŵe ciyezgelero cakulongora mupharazgi wakutondeka kuzgora mwaluso munthu wati wakana kumupharazgira. Kweni mupharazgi munyake wazgore mwaluso munthu wati wakana mwakuyana waka.

Sumu 47 na Lurombo