“Kasi Nkhwenera Kulemba Wuli Nyengo?”

Kasi muli kufumbapo fumbo ili? Ulongozgi ukusangika mu buku la Ŵakunozgeka, peji 86-87. Nyengo zinyake pakuŵa ulongozgi wakusazgikira, nga uwo uli mu Bokosi la Fumbo la Uteŵeti Withu wa Ufumu wa Seputembala 2008. Pakuti vyakucitika vikupambana mu uteŵeti, palije malango ghakuti tilondezgenge pa nkhani iyi. Ntheura nchakwenelera yayi kuti ŵalara panji ŵanji ŵapelekenge malango kuti ŵapharazgi ŵalondezgenge.

Usange mupharazgi wali na fumbo pa nkhani ya kulemba nyengo, kweni palije ulongozgi wakulembeka, wakwenera kujifumba kuti: Kasi nyengo iyi namalira nadi mu uteŵeti? Panji kasi nacitanga cinthu cinyake cambura kukoleranako na uteŵeti? Tikwenera kuŵa ŵacimwemwe cifukwa ca ivyo talemba pa lipoti la uteŵeti wa m’munda m’malo mwa kususkika na njuŵi yithu. (Mil. 23:1) Nakuti cakuzirwa mbutali wa nyengo iyo tamalira mu uteŵeti yayi, kweni ivyo tacita na nyengo iyo.—Heb. 6:11.