Masacizgo

Umo Mungambiskira Masambiro gha Baibolo pa Cisulo Cakwamba mu Disembala

“Munganizomerezga kuti waliyose wakukhumba ŵabwezi. Kasi imwe mukukhumba kuwona vici comene mwa mubwezi winu? [Mulekani wazgore.] Tiyeni tiwone apa kuti timanye kuzirwa kwa kusankha ŵabwezi mwamahara.” Mupani Gongwe la Mulinda la Disembala 1, na kudumbiskana ndime pa mutu ucoko pa peji 16. Ŵazganipo lemba limoza. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Disembala 1

“Kasi mukughanaghana kuti nchifukwa wuli masoka ghacilengiwa ghazara mazuŵa ghano? [Mulekani wazgore.] Mungatemwa kumanya kuti Baibolo likayowoyerathu za nyengo ya masoka ghantheura. [Ŵazgani Mateyu 24:7, 8.] Magazini iyi yikuzgora mafumbo nga ni agha: Cifukwa wuli mazuŵa ghano kuli masoka ghanandi nthena? Kasi nchilango cakufuma kwa Ciuta? Cifukwa wuli tikukhorwa kuti Ciuta walekeskenge masoka ghose sonosono?”

Galamukani! Disembala

Ŵazgani 2 Timote 3:16. Ndipo yowoyani kuti: “Ŵanyake ŵakugomezga kuti Baibolo ndakupelekeka na Ciuta, kweni ŵanyake ŵakususka. Imwe mukutipo wuli? [Mulekani wazgore.] Nangauli ŵanthu ŵakuzgora mwakupambana fumbo ili, kweni ŵanandi ŵakuzomera kuti Baibolo ni buku ilo lajumpha mu vinandi kuti liŵeko mpaka sono. Magazini iyi yikulongosora ivyo ŵanthu ŵacita kuti Baibolo lileke kuŵako na kukanizga ŵanyawo kuliŵazga kwa vilimika vinandi comene. Kweniso yikulongosora ico cawovwira kuti liŵepo mpaka sono.”