Ndondomeko ya Sabata ya Epulero 23

SABATA YAKWAMBIRA PA EPULERO 23

Sumu 45 na Lurombo

□ Sambiro la Baibolo la Mpingo:

bt cipaturo 5 ndime 1-8 na bokosi pa peji 39 (Mamin. 25)

□ Sukulu ya Uteŵeti wa Ciuta:

Kuŵazga Baibolo: Yeremiya 29–31 (Mamin. 10)

Na. 1: Yeremiya 31:15-26 (Mamin. 4 panji kucepera apa)

Na. 2: Kasi Ciuta Wakukhumba Kuti Ŵakhristu Ŵasungenge Sabata? (Mamin. 5)

Na. 3: Kasi Mariya Wakaŵa Nadi Mwali Wakulangwa Apo Wakababiranga Yesu?—rs-CN peji 255 ndime 3-4 (Mamin. 5)

□ Ungano wa Uteŵeti:

Sumu 130

Mamin. 10: Vipharazgo. Kwa miniti yimoza panji ghaŵiri, yowoyani nkhani izo ŵanthu ŵanganweka nazo mu cigaŵa cinu mu Magazini gha Meyi. Pamasinda, pa nkhani zakwambilira za Gongwe la Mulinda, ŵategherezgi ŵasacizge mafumbo agho ŵanthu ŵanganweka nagho na malemba agho ŵangakaŵazga. Citani mwakuyana waka na nkhani zakwambilira za Galamukani! Usange nyengo yicalipo, sazgiranipo mutu umoza kufuma mu Gongwe la Mulinda panji Galamukani! Yezgelerani umo mungacitira pakugaŵira magazini yiliyose.

Mamin. 25: Jiperekani Pa Kuŵazga. Kudumbiskana. Yafuma mu buku la Sukulu ya Uteŵeti, peji 21, ndime 1, mpaka pa peji 26, ndime 4. Fumbani mubali panji mudumbu kuti walongosore umo wakupatulira nyengo yakuŵazgira na vyandulo ivyo wasanga. Ciskani wose kuti ŵapatulenge nyengo yakuŵazgira Baibolo na mabuku ghakulongosora Baibolo.

Sumu 114 na Lurombo