Masacizgo

Uthenga wa Ufumu Na. 38

“Nili na uthenga wakuzirwa comene uwo ukupelekeka pa caru cose. Namwe winu ni uwu.”

Manyani ici: Kuti tizakamalizge cigaŵa ca mpingo withu, nchiwemi kuyowoya mwakudumura. Kweni nyengo zinyake uyo tikumupharazgira wanganweka comene, ndipo wangakhumba kuti tidumbiskane vinandi. Para ndimo vyaŵira, tingamufumba kuti wayowoyepo maghanoghano ghake pa fumbo ilo lili pa peji lakwamba na kuŵazga zgoro la mu Baibolo ilo lili mukati mu thirakiti. Dumbiskanani fundo zinyake izo zili mu thirakiti para nyengo yicalipo. Paumaliro, mulongorani fumbo ilo lili pa kamutu kakuti “Fundo Yakuti Mughanaghanirepo,” ndipo panganani kuti mukawereso kuzakadumbiskana fumbo ili.

Gongwe la Mulinda Novembala 1

“Kasi mukughanaghana kuti utesi uheni comene uwo ŵakumutetera Ciuta ni ngu? [Lindilirani zgoro.] Ciuta wakukhumba kuti ŵanthu ŵamutemwenge na kumugomezga. [Ŵazgani Yesaya 41:13.] Magazini iyi yikulongosora mautesi ghatatu agho ŵanthu ŵakumutetera Ciuta ndipo ghapangiska ŵanji kuti ŵaleke kusendelera kwa iyo.”

Galamukani! Novembala

“Ŵanandi ŵakudandawura kuti mazuŵa ghano nkharo yikunjira pasi. Kasi mukughanaghana kuti ŵanthu ndiwo ŵapangiska? [Lekani wazgore.] Baibolo likayowoyerathu kuti ŵanthu ŵazamusintha nkharo. [Ŵazgani 2 Timote 3:1-5.] Magazini iyi yikulongosora nkharo yiwemi iyo tikwenera kuŵa nayo.