Masacizgo

Umo Mungambiskira Masambiro gha Baibolo pa Cisulo Cakwamba mu Okutobala

“Mu nyengo zinonono izi, tose tikusangana na masuzgo agho ghahangayiska mbumba zinandi. Kasi mukughanaghana kuti ni nkhu uko tingasanga ulongozgi wakovwira kuti tiŵe ŵakukondwa mu mbumba?” [Mulekani wazgore.] Mugaŵirani magazini gha Gongwe la Mulinda la Okutobala 1, na kudumbiskana ndime pa mutu ucoko uwo mungasankha pa peji 16 na 17, ndipo ŵazganipo lemba limoza. Pelekani magazini na kupangana kuti mukawereso kuzakazgora fumbo linyake.

Gongwe la Mulinda Okutobala 1

Mulongorani pa cikopi ca magazini, na kufumba kuti: “Kasi mungajipulika wuli usange mungapulika kuti ivyo mukasambira pakuyowoya za Ciuta vikaŵa vyautesi? [Mulekani wazgore.] Wonani ico Yesu wakati cingatovwira kupambaniska unenesko na utesi. [Ŵazgani Yohane 17:17.] Ntheura ni Baibolo lekha ilo likutiphalira unenesko pakuyowoya za Ciuta. Magazini iyi yikulongosora mautesi ghankhondi pakuyowoya za Ciuta agho Baibolo likuvumbura.”

Galamukani! Okutobala

“Muhanya uno tikukhumba kovwirana na mbumba. Kasi mukughanaghana kuti mazuŵa ghano suzgo likuru comene pakulera ŵana ndakuti wuli? [Mulekani wazgore.] Ŵapapi ŵanandi ŵakuthemba ulongozgi wa mu Baibolo. Mwaciyelezgero, mazgu ghavinjeru agho ghali pa Ŵaefeso 4:31 ngakovwira pakucenya ŵana. [Ŵazgani Ŵaefeso 4:31.] Magazini iyi yikulongora umo ulongozgi wa mu Baibolo ungawovwilira ŵapapi kulera ŵana kwamba pa ubonda mpaka pa uwukirano.”