Masacizgo

Kwambiska Masambiro gha Baibolo pa Cisulo Cakwamba mu Okutobala

“Pa masuzgo agho tikukumana nagho, nyifwa ya mubali withu ndiyo njakuŵinya comene. Kasi namwe ndimo mukuwonera? [Mulekani wazgore.] Wonani fundo yakupembuzga iyi.” Mulongorani peji laumaliro la Gongwe la Mulinda la Okutobala 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Okutobala 1

“Ŵanyake ŵakutemwa kuŵazga Baibolo apo ŵanji ŵakutemwa yayi. Imwe ke? [Mulekani wazgore.] Wonani ivyo Baibolo likuyowoya apa. [Ŵazgani 1 Ŵatesalonika 2:13.] Usange Baibolo ndakufuma nadi kwa Ciuta, ipo nchakwenelera kuti tiŵazgenge. Asi nthe? Magazini iyi yikulongosora ivyo vili mu Baibolo na cifukwa ico tikwenera kuliŵazga.”

Galamukani! Okutobala

“Nati nipulike maghanoghano ghinu pa fumbo ili: Kasi munthu wangaŵa wakukhorwa para walije katundu munandi? [Mulekani wazgore.] Wonani ivyo Baibolo likuyowoya apa. [Ŵazgani 1 Timote 6:8.] Magazini iyi yikulongosora umo tikwenera kuwonera vinthu vyakuthupi ndiposo vinthu vitatu vyakuzirwa ivyo ndalama zingagura yayi.”