Masachizgo

Gongwe la Mulinda Okutobala 1

“Tikudumbiskana na ŵanyithu nkhani yakukondweska iyo yili mu magazini iyi. [Mulongorani mutu wa pa chikopi.] Ŵanthu ŵanyake ŵakughanaghana kuti para munthu wakulomba wakutaya waka nyengo yake, chifukwa palije uyo wakupulika. Kweni ŵanyake ŵakugomezga kuti Chiuta wakupulika malurombo ghawo. Imwe mukughanaghana wuli? [Mulekani wazgore.] Tiyeni tiwone ivyo Baibolo likuyowoya pa nkhani iyi. [ Ŵazgani Yesaya 30:19.] Magazini iyi yili na ukaboni wakuti Chiuta wakupulika na kuzgora malurombo gha awo ŵakumulomba munthowa yakwenelera kweniso pa vinthu vyakwenelera.”

Wukani! Okutobala

“Tikudumbiskana na ŵanyithu kwa nyengo yichoko waka pa nkhani ya masuzgo. Ŵanthu ŵanandi ŵakufumba chifukwa icho Chiuta wazomerezgera masuzgo. Kasi nkhwananga kufumba Chiuta chifukwa icho wazomerezgera masuzgo? [Mulekani wazgore.] Yobu nayo wakaghanaghanapo zakuti wafumbe Chiuta. [Ŵazgani Job 23:3-5.] Magazini iyi yili na mafumbo ghatatu agho ŵanthu ŵanandi ŵangatemwa kufumba Chiuta usange mwaŵi ungaŵapo. Kweniso yili na mazgoro ghakukhorweska ghakufuma mu Baibolo.”