Wovwirani Ŵana Ŵinu Kuti Ŵalondezge Khristu

Ŵapapi Ŵachikhristu ŵakukondwa chomene para ŵakuwona ŵana ŵawo ‘ŵakujipata na kunyamura khuni lawo lakusuzgikirapo na kulutilira kulondezga’ Yesu. (Mrk 8:34; 3Yo 4) Kasi ŵapapi ŵangachita wuli kuti ŵawovwire ŵana ŵawo kulondezga Khristu, kujipeleka kwa Yehova na kubatizika? Kasi ntchivichi chingalongora kuti mwana ngwakunozgeka kuti wabatizike?

Ŵazgani chigaŵa chakuti “Uthenga ku Ŵapapi Awo Mbachikhristu” mu buku la Ŵakunozgeka Kuchita Khumbo la Yehova pa peji 168 na 169, pamanyuma zgorani mafumbo ghakulondezgapo agha:

1. Kasi msambiri ni njani?

2. Kasi ŵapapi ŵakwenera kuŵasambizga vichi ŵana ŵawo?

3. Kuyana na msinkhu wawo, kasi ŵana ŵangalondezga wuli fundo izo zili mu malemba ghakulondezgapo agha kuti ŵaŵe ŵakwenelera kubatizika?

   • Kol 3:20

   • Lu 2:46

   • Sa 122:1

   • Mt 4:4

   • Mt 6:33

   • 1Ko 15:33