Maliferensi gha Uteŵeti na Umoyo Wachikhristu—Kabuku ka Maungano

FEBULUWALE 25–MALICHI 3

MAZGU GHA CHIUTA MBUSAMBAZI | ŴAROMA 9-11

Ivyo Tasambira

it-1-E 1260 ¶2

Mwamphu

Mwamphu pa vinthu viheni. Munthu wangachita mulimo unyake mwamwamphu na kuwona nga wakukondweska Chiuta, uku Chiuta wakukondwa nayo yayi. Ndivyo ŵakachitanga Ŵayuda ŵanandi mu nyengo yakale. Iwo ŵakakhumbanga kuti Chiuta waŵawonenge kuti mbarunji chifukwa cha ntchito izo ŵakachitanga pasi pa Dango la Mozesi. Kweni Paulosi wakayowoya kuti ŵanthu aŵa ŵakaŵa na mwamphu pa vinthu viheni chifukwa ŵakamanyanga makora yayi unenesko. Ntheura Chiuta wakaŵawonanga kuti mbarunji yayi. Kuti Chiuta waŵawone kuti mbarunji kweniso kuti ŵaleke kususkika na Dango, iwo ŵakeneranga kuleka zakwananga zawo na kuwelera kwa Chiuta kwizira mwa Khristu. (Ro 10:1-10) Saulosi wa ku Taraso nayo wakaŵa yumoza wawo, iyo wakajipelekanga chomene mu chisopa cha Chiyuda mwakuti ‘wakatambuzganga chomene mpingo wa Chiuta na kuwuparanya.’ Saulosi wakaŵikapo mtima kulondezga Dango ndipo wakajiwonanga kuti wakaŵa “wambura kafukwa.” (Ga 1:13, 14; Fil 3:6) Kweni mwamphu uwo wakaŵa nawo pa chisopa cha Chiyuda, ukaŵa wambura kwenelera. Ndipouli, Yehova wakawonamo viwemi mwa Saulosi lekani wakamulongora lusungu lukuru kwizira mwa Khristu na kumulongora nthowa yakusopa kutuŵa.—1Ti 1:12, 13.