Maliferensi gha Uteŵeti na Umoyo Wachikhristu—Kabuku ka Maungano

OGASITI 12-18

Ivyo Tasambira

w89-E 5/15 31 ¶5

Mafumbo Ghakufuma ku Ŵaŵazgi

Pakuyowoya za Ŵakerete Paulosi wakakhozgeranga kusankhana mitundu yayi. Tikuyowoya nthena chifukwa iyo wakamanyanga kuti ku Kerete kukaŵa Ŵakhristu ŵawemi awo Chiuta wakaŵaphakazga na mzimu wake utuŵa. (Milimo 2:5, 11, 33) Ku Kerete kukaŵa Ŵakhristu ŵanandi ŵakujipeleka ŵakuti ŵangapanga mipingo mu “msumba na msumba.” Nangauli Ŵakhristu aŵa ŵakaŵa ŵakufikapo yayi kweni tingayowoya mwakusimikizga kuti ŵakaŵa ŵatesi yayi panji ŵankharye ŵakata. Viŵenge nthena mphanyi ŵakalutilira yayi kuzomerezgeka na Yehova. (Ŵafilipi 3:18, 19; Chivumbuzi 21:8) Nga umo viliri mazuŵa ghano, mu mitundu yose muli ŵanthu ŵa mitima yiwemi. Ku Kerete nako kukwenera kuti kukaŵa ŵanthu ŵamitima yiwemi awo ŵakadandawuranga na vinthu viheni kweniso awo ŵakaŵa ŵakunozgeka kupokelera uthenga uwemi.—Ezekiyeli 9:4; Milimo 13:48.

OGASITI 19-25

Ivyo Tasambira

it-1-E 1185 ¶1

Mu chikozgo chake

Kasi Yesu nyengo zose wakayezganga Adada ŵake ndendende?

Yesu ni Mwana wakwamba wa Chiuta uyo pamasinda wakiza pa charu chapasi kuŵa munthu. Iyo ni chikozgo cha Chiuta. (2 Kor. 4:4) Mwana uyu ndiyo Chiuta wakayowoyanga nayo apo wakati, “Tipange munthu mu chikozgo chithu.” Mwana uyu wakuyana na Adada ŵake kufuma waka apo wakalengekera. (Ge 1:26; Yoh 1:1-3; Kol 1:15, 16) Pakuŵa munthu wakufikapo, apo wakaŵa pa charu chapasi wakalongora makora mikhaliro na wunthu wa Adada ŵake kuyana na umo munthu wangafiskira, lekani wakayowoya kuti “uyo wawona ine wawona na Adada wuwo.” (Yoh 14:9; 5:17, 19, 30, 36; 8:28, 38, 42) Kuyana uku kukawonekera chomene pa nyengo iyo Yesu wakawuskika na thupi lauzimu na kupika “mazaza ghose . . . kuchanya na pa charu chapasi.” (1Pe 3:18; Mt 28:18) Chiuta wati wamukwezga Yesu “pa malo ghapachanya,” apa ndipo Mwana wa Chiuta wakalongora chomene mikhaliro ya Adada ŵake kuluska apo wakaŵa kuti wandize pa charu chapasi. (Fil 2:9; Heb 2:9) Pasono, Yesu ni “chikozgo cheneko cha kaŵiro [ka Chiuta].”—Heb 1:2-4.

it-1-E 1063 ¶7

Kuchanya

Mazgu agho ghali pa Salimo 102:25, 26 ghakuyowoya za Yehova, kweni mpositole Paulosi wakakora mazgu agha pakuyowoya za Yesu Khristu. Wakayowoya nthena chifukwa Mwana wakutemweka wa Chiuta uyu, ndiyo Chiuta wakamugwiliskira ntchito pakulenga vinthu vyose. Paulosi wakapambaniska Yesu uyo ngwamuyirayira na chilengiwa icho Chiuta para wangakhumba ‘wangachivunga nga ni munjilira’ na kuchiŵika apo.—Heb 1:1, 2, 8, 10-12; yaniskani na 1Pe 2:3, mazgu ghamusi.

OGASITI 26–SEPUTEMBALA 1

Ivyo Tasambira

it-1-E 1139 ¶2

Chigomezgo

Chigomezgo cha umoyo wamuyirayira na umoyo wambura kufwa kwa awo ŵali “kuchemekera kuchanya” (Heb 3:1) ntchanadi ndipo chingatondeka yayi. Chigomezgo ichi chajintha pa vinthu viŵiri ivyo Chiuta wangateta yayi, ivyo wali kulayizga kweniso ivyo wali kulapa. Chigomezgo ichi ntchanadi chifukwa vyose vili mu mawoko gha Yesu uyo pasono wali na umoyo wambura kufwa kuchanya. Ntheura chigomezgo ichi chili nga “ni nyanguru wa umoyo withu, ntchanadi na chakukhora, ndipo chikunjira mukati mwa katani, [nga wasembe mukuru uyo wakanjiranga mu Malo Ghatuŵa Chomene pa Zuŵa la Mphepiska] umo Yesu, mudangiliri withu wali kunjira m’malo mwa ise, uyo wazgoka wasembe mukuru nga ni Melekizedeki ndipo waŵenge wasembe muyirayira.”—Heb 6:17-20.