Maliferensi gha Uteŵeti na Umoyo Wachikhristu—Kabuku ka Maungano
DISEMBALA 2-8
MAZGU GHA CHIUTA MBUSAMBAZI | CHIVUMBUZI 7-9
“Mzinda Ukuru Wambura Mapendeko Watumbikika na Yehova”
it-1-E 997 ¶1
Mzinda Ukuru
Panji mungafumba kuti: Usange “mzinda ukuru” ni ŵanthu awo ŵazamupona na kukhala pa charu chapasi, chifukwa wuli Baibolo likuti wimilira ‘panthazi pa chitengo cha Chiuta na panthazi pa Mwana wa mberere’? (Chiv 7:9) Nyengo zinyake Baibolo para likuyowoya mazgu ghakuti ‘kwimilira,’ likung’anamura kutemweka na munthu uyo wimilira panthazi pake. (Sa 1:5; 5:5; Zi 22:29; AT; Lu 1:19) Nakuti pa Chivumbuzi 6:15-17 Baibolo likuti “mathemba gha charu chapasi, ŵanthu ŵakuzirwa, ŵalongozgi ŵa ŵankhondo, ŵasambazi, ŵankhongono, muzga waliyose, na munthu waliyose mwanangwa” ŵakabisama kuti ŵaleke kuwona chisko cha Uyo wakukhala pa chitengo na ku ukali wa Mwana wa mberere, chifukwa zuŵa likuru la ukali wawo lafika, ndipo ni njani wangima pamaso pawo?” (yaniskani na Lu 21:36.) Ntheura vikuwoneka kuti “mzinda ukuru” ni gulu la ŵanthu awo ŵazamupona pa ukali ukuru uwu, awo Chiuta wazamuŵawona kuŵa ŵakwenelera ‘kwima’ pamaso pa Chiuta na Mwanamberere.
it-2-E 1127 ¶4
Suzgo
Pakati pajumpha vyaka pafupifupi 30 kufuma apo Yerusalemu wakaparanyikira, mpositole Yohane wakayowoyapo za mzinda ukuru uwo wafuma mu mitundu yose na mafuko na ŵanthu. Iyo wakaphalirika kuti: “Aŵa ndiwo ŵafuma mu suzgo yikuru.” (Chiv 7:13, 14) Mazgu ghakuti mzinda ukuru ‘wafuma mu suzgo yikuru, ghakulongora kuti ŵapona pa suzgo iyi. Ivi vikukolerana na mazgu agho ghali pa Milimo 7:9, 10. Pa lemba ili pakuti: “Chiuta wakaŵa [na Yosefe], wakamuthaska mu visuzgo vyake vyose.” Mazgu ghakuti Yosefe wakafuma mu visuzgo ghakulongora kuti wakazizipizga kweniso wakapona ku masuzgo.
it-1-E 996-997
Mzinda Ukuru
Umo Ukumanyikwira. “Mzinda ukuru” ukumanyikwa makora kwizira mu buku la Chivumbuzi chaputara 7 kweniso na mavesi ghanyake agho muli nkhani zakuyanako. Pa Chivumbuzi 7:15-17 pakuyowoya kuti Chiuta ‘wazamutandawura hema lake pa iwo,’ na “kuŵalongozgera ku visimi vya maji gha umoyo,” kweniso kuti Chiuta wazamufyura “masozi ghose ku maso ghawo.” Pa Chivumbuzi 21:2-4 pali mazgu ghakuti: “Hema la Chiuta lili na ŵanthu” ndipo “wazamufyura masozi ghose ku maso ghawo, ndipo nyifwa yizamuŵakoso yayi.” Mboniwoni iyi yikuyowoya za ŵanthu ŵakuchanya yayi uko ‘Yerusalemu Muphya wakukhira,’ kweni yikuyowoya za ŵanthu pa charu chapasi.
Ivyo Tasambira
it-1-E 12
Abadoni
Kasi Abadoni, mungelo wa chizongwe ni njani?
Pa Chivumbuzi 9:11 mazgu ghakuti “Abadoni” ghali kulembeka kuti ni “mungelo wa chizongwe.” Lizgu Lachigiriki lakuyanako nalo Apollyon likung’anamura “Wakuparanya.” Mu 1800, ŵakaswiri ŵanyake ŵakaghanaghananga kuti mazgu gha mu vesi ili ni uchimi wakuyowoya za ŵanthu nga ni themba Vesipasiyani, Muhamadi, na Napoleon, ndipo ŵakatenge mungelo uyu ngwa Satana. Kweni lemba la Chivumbuzi 20:1-3 likulongora kuti mungelo uyo wali na “kiyi wa chizongwe” ni mwimiliri wa Chiuta wakufuma kuchanya, ni mungelo wa Satana yayi. Mungelo uyu wakuzunulika kuti wakakora Satana na kumuponya mu chizongwe. Kuyana na fundo iyo yili pa lemba la Chivumbuzi 9:11, buku linyake likuti: “Abadoni, ni mungelo wa Satana yayi kweni wa Chiuta, uyo wakugwira ntchito yake ya kuparanya ŵalwani mwakutumika na Chiuta.”—The Interpreter’s Bible
Mu Malemba Ghachihebere, lizgu lakuti ʼavad·dohnʹ likulongora kuti likwendera lumoza na lizgu lakuti Sheole na nyifwa. Pa Chivumbuzi 1:18 Yesu wakuyowoya kuti: “Nili wamoyo muyirayira swii, ndipo nili na makiyi gha nyifwa na Dindi.” Lemba la Luka 8:31 likulongora kuti Yesu wali na mazaza pa chizongwe. Ndipo lemba la Ŵahebere 2:14 likulongora kuti iyo waliso na mazaza gha kuparanya, nanga ni Satana. Lemba ili likuyowoya kuti Yesu wakazgoka wa ndopa na thupi, mwakuti “kwizira mu nyifwa yake, waparanye Dyabulosi, uyo wakwiziska nyifwa.” Ndipo lemba la Chivumbuzi 19:11-16 likulongora kuti Yesu ni munthu uyo Chiuta wamusankha kuti Waparanye.—wonani mazgu ghakuti APOLLYON.
DISEMBALA 9-15
MAZGU GHA CHIUTA MBUSAMBAZI | CHIVUMBUZI 10-12
Ivyo Tasambira
it-2-E 880-881
Mupukutu, Kuzinga
Ivyo Ukwimira. Mu Baibolo muli mavesi ghanandi agho ghakulongora kuti lizgu lakuti mupukutu lingang’anamura vinandi. Ezekiyeli na Zekariya ŵakawona mupukutu uwo ukalembeka kuseri na kuseri. Pakuti mupukutu kanandi ukalembekanga kuseri limoza, para walembeka kuseri na kuseri vikalongoranga kuti nkhani panji cheruzgo icho chipelekekenge ntchikuru. (Eze 2:9–3:3; Zek 5:1-4) Mu mboniwoni iyo yili mu buku la Chivumbuzi, uyo wakakhala pa chitengo wakaŵa na mupukutu ku woko lake la malyero uwo ukaŵa na vyakubatikira 7, mwakuti paŵavye wakuwona ivyo vyalembekamo m’paka Mwana wa mberere wa Chiuta wakiza na kujura. (Chiv 5:1, 12; 6:1, 12-14) Mu mboniwoni iyi, Yohane wakapika mupukutu ndipo wakaphalirika kuti warye. Pakurya ukanong’omeranga kweni ukamuŵinya munthumbo. Pakuti mupukutu uwu ukaŵa wakujalika yayi, vikulongora kuti ivyo vikaŵa pa mupukutu uwu munthu wangavipulikiska. Ukaŵa “wakunong’omera” kwa Yohane chifukwa wakapulikiska uthenga wake kweni ukaŵa wakuŵinya kwa iyo kuti waphalire ŵanthu uthenga uwu. (Chiv 10:1-11) Vyakuyana waka ndivyo vikachitikira Ezekiyeli apo wakapika mupukutu uwo mukalembeka sumu “zachitima, zachitengero, na zachiliro.”—Eze 2:10.
it-2-E 187 ¶7-9
Vyakuŵinya Vyakubaba
Mu mboniwoni iyo yili mu buku la Chivumbuzi Yohane wakawona mwanakazi wakuchanya wakulira na “vyakuŵinya na kukweŵeka kuti wababe.” Mwanakazi uyu wakababa “mwana msepuka, mwanalume uyo wazamuliska mitundu yose na ndodo yachisulo.” Nangauli chinjoka chikayezgayezga kuti chirye mwana, kweni mwana uyu “wakatolekera kwa Chiuta na ku chitengo chake.” (Chiv 12:1, 2, 4-6) Pakuti mwana uyu wakatolekera kuchanya kwa Chiuta, ntchilongolero chakuti Chiuta wakamuzomerezga kuti ni mwana wake. Nakuti kale para mwana wababika waka, ŵakalutanga nayo kwa adada ŵake kuti ŵakamuzomere kuti ngwawo nadi. (Wonani BIRTH.) Ivi vikulongora kuti “mwanakazi” ni muwoli wa Chiuta panji kuti “Yerusalemu wakuchanya,” “mama” wa Khristu pamoza na ŵabali ŵake ŵauzimu.—Ga 4:26; Heb 2:11, 12, 17.
“Mwanakazi” wakuchanya wa Chiuta ngwakufikapo, ndipo wangapulika vyakuŵinya yayi pakubaba. Kweni mazgu ghakuti vyakuŵinya vyakubaba ghakalongoranga waka kuti “mwanakazi” wakamanyanga kuti wali pafupi kubaba.—Chiv 12:2.
Kasi ‘mwana mwanalume’ uyu ni njani? Pakuyowoya za iyo, Baibolo likayowoyerathu kuti: “Wazamuliska mitundu yose na ndodo yachisulo.” Uchimi uwu, uwo uli pa Salimo 2:6-9 ukayowoyanga za Ufumu wa Mesiya. Kweni Yohane wakawona mboniwoni iyi pamanyuma pakuti Khristu wababika pa charu chapasi kweniso pamanyuma pakuti wafwa na kuwuskika. Ntheura mboniwoni iyi yikayowoyanga za kubabika kwa Ufumu wa Mesiya uwo uli mu mawoko mwa Yesu Khristu, uyo pakuwuskika ku ŵakufwa, ‘wakakhala ku woko lamalyero la Chiuta, ndipo wakalindilira m’paka ŵalwani ŵake ŵakaŵikika kuŵa chakukandapo malundi ghake.’—Heb 10:12, 13; Sa 110:1; Chiv 12:10.
DISEMBALA 23-29
MAZGU GHA CHIUTA MBUSAMBAZI | CHIVUMBUZI 17-19
“Nkhondo ya Chiuta iyo Yizamumazga Nkhondo Zose”
it-1-E 1146 ¶1
Hachi
Mu mboniwoni iyo mpositole Yohane wakawona, wakawona Yesu mu uchindami wake wakwera pa hachi lituŵa ndipo ŵakaŵa na ŵankhondo ŵake awo nawoso ŵakakwera pa mahachi ghatuŵa. Ivyo Yohane wakawona mu mboniwoni iyi vikalongoranga kuti nkhondo iyo Khristu wazamurwa mu malo mwa Adada ŵake Yehova pakulimbana na ŵalwani, njituŵa kweniso njaurunji. (Chiv 19:11, 14) Khristu uyo wakulongozga nga ni themba ndiyo wakwera pa hachi lakwamba, ndipo pamanyuma pakwiza ŵanalume ŵakupambanapambana awo ŵakwera pa mahachi agho ghakwimira masuzgo.—Chiv 6:2-8.
NOVEMBALA 11-17
DISEMBALA 30, 2019–JANYUWALE 5, 2020
MAZGU GHA CHIUTA MBUSAMBAZI | CHIVUMBUZI 20-22
Ivyo Tasambira
it-2-E 249 ¶2
Umoyo
Mu dango ilo Chiuta wakapa Adamu, Chiuta wakati para Adamu wapulikirenge, wafwenge yayi. (Ge 2:17) Usange nyifwa iyo ni mulwani waumaliro, yazakaparanyika, ŵanthu ŵakupulikira ŵazamusuzgikaso yayi panji kufwa chifukwa cha kwananga. Iwo ŵazamukhala kwamuyirayira ndipo ŵazamufwaso yayi. (1Ko 15:26) Buku la Chivumbuzi likuyowoya kuti Yesu wazamulamulira kwa vyaka 1,000. Ntheura nyifwa yizamuparanyika paumaliro wa vyaka ivi. Pakuyowoya za awo ŵamuŵa mafumu kweniso ŵasembe pamoza na Khristu, buku la Chivumbuzi likuti iwo “ŵakazgoka ŵamoyo ndipo ŵakawusa nga ni mathemba pamoza na Khristu vyaka 1,000.” “Ŵakufwa ŵanyake wose” awo ŵakafika yayi ku umoyo “m’paka paumaliro wa vyaka” 1,000, ŵakwenera kuŵa awo ŵazamulutilira kuŵa ŵamoyo para vyaka ivi vyajumpha, kweni pambere Satana wandasutulike mu chizongwe kuti wapuluske mitundu. Paumaliro wa vyaka 1,000, ŵanthu pa charu chapasi ŵazamuŵa ŵarunji, ndipo ŵazamuŵa nga umo ŵakaŵira Adamu na Eva pambere ŵandanange. Apa ndipo ŵazamuŵa na umoyo weneko wakufikapo. Pa nyengo iyi, awo ŵazamutonda chiyezgo cha Satana pamanyuma pakuti wafwatulika mu chizongwe, ŵazamuŵa na mwaŵi wakukondwa na umoyo kwamuyirayira.—Chiv 20:4-10.
it-2-E 189-190
Nyanja ya Moto
Mazgu agha ghakusangika mu buku la Chivumbuzi pera ndipo ghakwimira chinthu chinyake. Baibolo likulongosora makora ivyo nyanja ya moto yikwimira ndipo likuti: “Nyanja ya moto iyi yikwimira nyifwa yachiŵiri.”—Chiv 20:14; 21:8.
Ukaboni wakuti nyanja ya moto yikwimira chinthu chinyake ukusangikaso mu mavesi ghanyake mu buku la Chivumbuzi. Nyifwa yikuyowoyeka kuti yizamuponyeka mu nyanja ya moto. (Chiv 19:20; 20:14) Kweni Nyifwa ntchinthu chakuti chingaponyeka pamoto yayi. Satana nayo wakuyowoyeka kuti wazamuponyeka mu nyanja ya moto. Pakuti iyo ntchilengiwa chauzimu wangafwa yayi na moto wanadi.—Chiv 20:10; yaniskani na Ex 3:2 na Ŵer 13:20.
Nyanja ya moto yikwimira “nyifwa yachiŵiri,” ndipo pa Chivumbuzi 20:14 pakuti vyose “Nyifwa na Hadesi” vikaponyeka mu nyanja ya moto. Uwu mbukaboni wakuti nyanja iyi yikwimira nyifwa iyo ŵanthu ŵali kuhara kwa Adamu yayi (Ro 5:12), ndipo yikwimiraso Hadesi (Sheole) yayi. Ntheura yikwenera kuti yikwimira mtundu unyake wa nyifwa. Nyifwa iyi njakuti munthu wangazakawukaso yayi, pakuti palije apo pakulongora kuti “nyanja” iyi yikupeleka awo ŵalimo, nga umo viliri na nyifwa na Hadesi (Sheole) ivyo tili kuhara kufuma kwa Adamu. (Chiv 20:13) Wose awo, ŵandalembeke “mu buku la umoyo,” panji kuti ŵanthu ŵambura kupera awo ŵakususkana na muwuso wa Chiuta, ŵakuponyeka mu nyanja ya moto, kung’anamura pharanyiko lamuyirayira, panji kuti nyifwa yachiŵiri.—Chiv 20:15.