Maliferensi gha Uteŵeti na Umoyo Wachikhristu—Kabuku ka Maungano
NOVEMBALA 4-10
MAZGU GHA CHIUTA MBUSAMBAZI | 1 YOHANE 1-5
“Mungatemwanga Charu Yayi Nesi Vinthu Ivyo Vili mu Charu”
it-1-E 862 ¶5
Kugowokera
Ntchiwemi kulombera ŵanyithu kuti Chiuta waŵagowokere maubudi ghawo. Tingalomberaso mpingo wose. Ndivyo Mozesi wakachita, wakayowoya zakwananga izo Ŵaisrayeli ŵakachita na kupempha kuti Chiuta waŵagowokere ndipo Chiuta wakapulika. (Maŵ 14:19, 20) Solomoni nayo ndivyo wakachita apo wakapatuliranga tempile. Iyo wakalomba Yehova kuti waŵagowokere ŵanthu ŵake usange ŵawelera kwa iyo na kuleka zakwananga zawo. (1Ma 8:30, 33-40, 46-52) Ezira nayo wakayowoya kwa Yehova maubudi agho Ŵayuda awo ŵakawelera kwawo ŵakachita. Lurombo lwake lwakufumira pasi pa mtima kweniso kuŵachiska vikawovwira kuti ŵanthu ŵachitepo kanthu kweniso kuti Yehova waŵagowokere. (Ezr 9:13–10:4, 10-19, 44) Yakobe wakachiska uyo ni mulwari mwauzimu kuti wacheme ŵalara ŵa mpingo kuti ŵamulombere ndipo “usange wananga, wazamugowokereka.” (Yak 5:14-16) Ndipouli “pali kwananga kunyake uko kukuchema nyifwa.” Para munthu wakunangira dala ndikuti wakunangira mzimu utuŵa, ndipo kwananga uku kungagowokereka yayi. Mkhristu wakwenera yayi kulombera ŵanthu awo ŵakwanangira dala.—1Yo 5:16; Mt 12:31; Heb 10:26, 27 wonani KWANANGA, I; MZIMU.
NOVEMBALA 11-17
MAZGU GHA CHIUTA MBUSAMBAZI | 2 YOHANE 1–YUDA
Ivyo Tasambira
it-2-E 279
Viphikiro Vyachitemwa
Baibolo likulongosora yayi za viphikiro vya chitemwa nesi kulongosora usange vikachitikanga pafupipafupi panji yayi. (Yuda12) Yesu Khristu panji ŵapositole ŵakayowoyapo yayi kuti Ŵakhristu ŵachitenge viphikiro vya chitemwa. Ntheura ni dango yayi kuti Ŵakhristu ŵachitenge viphikiro ivi. Ŵanyake ŵakuti viphikiro ivi ŵakachitanga Mbakhristu ŵasambazi ndipo ŵakachemerangako Ŵakhristu ŵakavu. Pa chiphikiro ichi pakaŵanga ŵalanda, vyokoro, ŵasambazi kweniso ŵakavu ndipo wose ŵakakondweranga lumoza nga ŵabali na ŵadumbu.
it-2-E 816
Libwe
Lizgu linyake Lachigiriki lakuti spi·lasʹ, likung’anamura libwe panji malibwe ghanandi agho ghabisika pasi pa maji. Yuda wakayowoya mazgu agha pakulongosora za ŵanalume awo ŵakanjira mu mpingo na vilato viheni. Malibwe agho ghabisika pasi pa maji ghangananga sitima. Mwakuyana waka, ŵanalume aŵa nawo ŵakaŵa ŵakofya chifukwa ŵakanjira mu mpingo na vilato viheni. Pakuyowoya za ŵanalume aŵa, Yuda wakati: “Ŵanthu aŵa apo ŵakurya namwe pamoza mu viphikiro vinu vyachitemwa ŵali nga ni malibwe ghakubisika pasi pa maji.”—Yuda 12.