Kasi Mungasambirako Vichi ku Ŵakhristu Awo Ŵateŵetera Nyengo Yitali?

Mu mipingo muli ŵabali na ŵadumbu ŵanyake awo ŵateŵetera Yehova kwa vyaka vinandi. Tingasambirako kugomezgeka kwawo kwa Yehova. Tingaŵafumba mbiri ya gulu la Yehova kweniso viyezgo ivyo ŵajumphamo na umo Yehova waŵawovwilira. Nyengo zinyake tingaŵachemerako para tikuchita kusopa kwa mbumba na kuŵafumba mafumbo.

Usange mwateŵetera Yehova kwa nyengo yitali, fwatukani kuŵaphalirako Ŵakhristu ŵachiwukirano vya chipulikano chinu. Yakhobe na Yosefe ŵakaŵaphaliranga ŵana ŵawo ivyo ŵakakumana navyo pakuteŵetera Yehova (Ge 48:21, 22; 50:24, 25) Pamanyuma Yehova wakaphalira mitu ya mbumba kuti yisambizgenge ŵana ŵawo milimo yankhongono iyo wakachita. (Do 4:9, 10; Sa 78:4-7) Mazuŵa ghano napo ŵapapi kweniso ŵanji mu mpingo ŵangaphalirako ŵana vinthu viwemi ivyo Yehova wafiska kwizira mu gulu lake.

WONELERANI VIDIYO YA MUTU WAKUTI TIKALUTILIRA KUKOLERANA NANGAULI NTCHITO YITHU YIKAKANIZGIKA, NDIPO PAMANYUMA ZGORANI MAFUMBO GHAKULONDEZGAPO AGHA:

• Kasi ofesi ya munthavi ya ku Austria yikawovwira wuli ŵabali ŵithu mu vyaru ivyo ntchito yithu yikaŵa yakukanizgika?

• Kasi ŵabali ŵa mu vyaru ivyo ntchito yithu yikaŵa yakukanizgika ŵakachita wuli kuti ŵalutilire kuŵa na chipulikano chakukhora?

• Chifukwa wuli ŵapharazgi ŵanandi ku Romania ŵakafuma mu gulu la Yehova, ndipo ŵakaweleraso wuli?

• Kasi nkhani iyi yakhozga wuli chipulikano chinu?