Musambirenge Mwakupwelelera Kuti Mulutilire Kuŵa Maso

Ŵazgani Daniyeli 9:​1-19 kuti muwone kuzirwa kwa kusambira mwakupwelelera.

Sandani makora nkhani yose. Kasi ni vinthu wuli ivyo vikaŵa kuti vyachitika waka, ndipo vikamukhwaska wuli Daniyeli? (Dan. 5:29–6:5) Kasi mukatenge mujipulikenge wuli muŵenge kuti ndimwe Daniyeli?

Fufuzani kuti mumanye vinandi. Kasi ni “mabuku [wuli] ghakupatulika” agho Daniyeli wakwenera kuti wakafufuzanga? (Dan. 9:​2, mazgu ghamusi; w11-CN 1/1 22 ¶2) Chifukwa wuli Daniyeli wakavumbura zakwananga zake na za mtundu wa Israyeli? (Lev. 26:​39-42; 1 Mathe. 8:​46-50; dp-CN 182-184) Kasi lurombo lwa Daniyeli lukulongora wuli kuti wakasambiranga mwakupwelelera Mazgu gha Chiuta?—Dan. 9:​11-13.

Wonani ivyo mukusambirapo. Jifumbani kuti:

• ‘Kasi ningachita wuli kuti nileke kutimbanizgika na vyakuchitika vya mu charu?’—Mika 7:7.

• ‘Kasi nipindurenge wuli chifukwa cha kusambira Mazgu gha Chiuta mwakupwelelera nga ni Daniyeli?’—w04 8/1 22 ¶17.

• ‘Kasi ni nkhani wuli izo ningasambira panekha izo zinganovwira kuti ‘niŵe maso’?’—Mat. 24:​42, 44; w12 8/15 5 ¶7-8.