Sambirani na Chilato Chakuti Muphalirengeko Ŵanyinu Ivyo Mwasambira

Para tikusambira Baibolo tikusamphuskika, kweni tingasamphuskika chomene para tikuphalirako ŵanji fundo zakukhozga izo tasambira. Lemba la Zintharika 11:25 likuti: “Uyo wakusamphuska ŵanji, nayo wasamphuskikenge.”

Para tikuphalirako ŵanji ivyo tasambira, vingatovwira kuti tikumbukirenge fundo izo mwambura kusuzga ndipo tikuzipulikiska makora chomene. Nakuti tikukondwa chomene kuphalirako ŵanji fundo izo tasambira chifukwa tikumanya kuti zingaŵawovwira.—Mil. 20:35.

Yezgani kuchita ivi: Sabata yikwiza, muzakayezge kupenjerezga m’pata wakuti muphalireko munthu ivyo mwasambira. Mungaphalirako wamumbumba yinu, munthu munyake wa ku mpingo kwinu, uyo mukugwira nayo ntchito, munyinu wa ku sukulu, mzengezgani winu, panji munthu uyo mwasangana nayo mu uteŵeti. Yezgani kulongosora ivyo mwasambira munthowa yipusu kweniso mwakupulikikwa makora.

Kumbukani fundo iyi: Muphalirengeko ŵanyinu ivyo mwasambira na chilato chakuti muŵakhozge, kuti mujiwoneske waka kuti mukumanya vinthu yayi.—1 Kor. 8:1.