LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • mrt nkhani 49
  • Charu Chikunangika—Kasi Baibolo Likutipo Wuli?

Vidiyo palije.

Phepani, pali suzgo linyake.

  • Charu Chikunangika—Kasi Baibolo Likutipo Wuli?
  • Nkhani Zinyake
  • Mitu Yichoko
  • Nkhani Zakuyanako na Iyi
  • Kunangika kwa chilengiwa kukayowoyekerathu
  • Charu Chizamuŵa Chakuvikilirika
  • Kasi Vyaru Vingakolerana na Kumazga Suzgo la Kusintha kwa Nyengo?—Kasi Baibolo Likutipo Wuli?
    Nkhani Zinyake
  • Ivyo Baibolo Likuyowoya pa Nkhani ya Kusintha Kwa Nyengo na Ivyo Vikwiza Kunthazi
    Nkhani Zinyake
  • Vyaru Vinandi Vyasangana na Suzgo Lakotcha Chomene—Kasi Baibolo Likutipo Wuli?
    Nkhani Zinyake
  • Ninjani Waponoskenge Charu Ichi?
    Nkhani Zinyake
Wonani Vinyake
Nkhani Zinyake
mrt nkhani 49
Umo pulaneti la charu likuwonekera. Hafu yikuwoneka kuti yili makora waka, apo hafu yinyake yasakazikirathu.

MUŴENGE MASO!

Charu Chikunangika—Kasi Baibolo Likutipo Wuli?

“Nyengo yikusintha mwaluŵiro chomene. Misumba yikuruyikuru yikuzura na maji ghakututuka. Kukotchanga chomene. Kuli vimphepo vyakofya. Maji ghakusoŵa. Mitundu yinandi ya vyakumera na vinyama yili kwamba kumara. Nakuti uwu ndiwo mbunenesko, palije vyakusazgirako. Ndivyo ŵasayansi ŵakutiphalira kuti vichitikenge chifukwa cha malango agho tili nagho pa nkhani ya vya magesi.”—Wakayowoya ni António Guterres, mulara wa Wupu wa United Nations, pa nkhani ya lipoti la wupu wa Intergovernmental Panel on Climate Change ilo likafumiskika pa April 4, 2022.

“Ŵasayansi ŵakufipa mtima kuti mu vyaka ivyo vikwiza kunangika kwa vinthu uko kukwiza chifukwa cha kusintha kwa nyengo kungathandazgika na mu malo ghakusungirako vinthu vya chilengiwa ghose 423 [ku United States], agho pasono nthena ghakukhwaskika kale na suzgo la kotcha chomene. Vinthu vyakofya nga ni moto na kututuka kwa maji, kusungunuka kwa maji ghakukhoma, unandi wa maji mu Nyanja na kotcha chomene kwa charu vyazara chomene.”—Kufuma pa nkhani yakuti, “Flooding Chaos in Yellowstone, a Sign of Crises to Come,” Nyuzipepara ya New York Times, June 15, 2022.

Kasi masuzgo ghakunangika kwa chilengiwa ghangamara? Para ni nthena, ninjani wangaghamazga? Wonani ivyo Baibolo likuyowoya.

Kunangika kwa chilengiwa kukayowoyekerathu

Baibolo likuti Chiuta ‘wazamuparanya awo ŵakunanga charu chapasi.’ (Chivumbuzi 11:18) Vesi la mu Baibolo ili likutiphalira vinthu vitatu:

  1. 1. Vyakuchita vya ŵanthu vizamunanga chomene charu.

  2. 2. Kunangika kwa charu kuzamumara.

  3. 3. Chiuta pera ndiyo wazamumazga suzgo lakunangika kwa charu, ŵanthu yayi.

Charu Chizamuŵa Chakuvikilirika

Baibolo likuti “charu chapasi chikukhalilira muyirayira.” (Mupharazgi 1:4) Nyengo zose chiŵenge chakuti ŵanthu ŵangakhalamo.

  • “Ŵarunji ŵazamuhara charu chapasi, ndipo ŵazamukhala mwenemumo muyirayira.”—Salimo 37:29.

Charu chose chizamuŵaso makora.

  • “Mapopa na charu chambura maji vizamusekelera, chipalamba chizamukondwa na kuzota nga ni luŵa la safuroni.”—Yesaya 35:1.

Kuti mumanye chifukwa icho tikugomezgera kuti Chiuta ŵazamunozgaso charu chapasi, ŵazgani nkhani yakuti “Ninjani Waponoskenge Charu Ichi?”

Kuti mumanye chifukwa icho tikugomezgera kuti vinthu vizamuŵa makora kunthazi nangauli pasono nyengo pa charu yasintha, ŵazgani nkhani yakuti “Ivyo Baibolo Likuyowoya pa Nkhani ya Kusintha Kwa Nyengo na Ivyo Vikwiza Kunthazi.”

Kuti mumanye umo Baibolo lingamovwilirani kuzizipizga masuzgo agho mukusangana nagho chifukwa cha kusintha kwa nyengo, ŵazgani nkhani yakuti “Umo Baibolo Lingamovwilirani Para Nyengo Yasintha.”

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani