Kasi Chiuta Ni Nkhongono Waka?

Ivyo Baibolo likuyowoya

Chiuta wali na nkhongono pa chilengiwa chose. Iyo wali kulenga nyenyezi zinandi. Baibolo likuti: ‘Tumphuskani kuchanya maso ghinu, muwone: kasi uyo wakavilenga vyose ivi ni njani? Uyo wakufumya chiwuru cha ivyo na kuvipenda, kuvichema vyose na mazina mu ukuru wa nkhongono zake, ndipo chifukwa iyo ngwakukhora mu nkhongono kulije chimoza chakuzgeŵa.’—Yesaya 40:25, 26.

Kweni Chiuta ni nkhongono waka yayi. Baibolo likuti iyo waliko ndipo ngwachitemwa kweniso wakutinkha viheni. (Salmo 11:5; Yohane 3:16) Chiuta wangakondwa panji kukwiya na ivyo ŵanthu ŵakuchita.—Salmo 78:40, 41.