Buku Lakale Chomene Ilo Ndakovwira Mazuŵa Ghano
Ŵanthu ŵanandi ŵakuti Baibolo ndapadera chomene. Ndipouli, Baibolo lili waka na fundo zakovwira pa nkhani ya kusopa yayi. Kweni liliso na fundo zakovwira pa umoyo withu wa zuŵa na zuŵa.
Wonani maphindu agho ŵanthu ŵanyake ŵakuyowoya kuti ŵasanga chifukwa cha kuŵerenga Baibolo na kulondezga ulongozgi wake.
Fiona wakati: “Pasono nkhukhala umoyo uwemi. Umo nkhughanaghanira kweniso umo nkhujipulikira vyasintha chomene. Sono nili wakukondwa.”
Gnitko wakati: “Chifukwa cha kuŵerenga Baibolo namanya chilato cha umoyo.”
Andrew wakati: “Umoyo wane wasintha chomene. Pasono nkhugwira ntchito nyengo yichoko ndipo nyengo yinandi nkhuchezga na banja lane.”
Pali ŵanandi awo ŵasanga chandulo chifukwa cha kuŵerenga Baibolo. Ŵanthu ŵanandi ŵawona kuti Baibolo lili na fundo zakovwira pa umoyo withu wa zuŵa na zuŵa.
Tiyeni tiwone umo Baibolo lingatovwilira ise . . .
Kuŵa na umoyo uwemi
Kujikora para takwiya
Kuŵa na banja liwemi na ŵabwezi
Kuwona mwakwenelera ndalama
Kuŵa paubwezi na Chiuta
Nkhani zakulondezgapo zilongosorenge kuti Baibolo ni buku lakufuma kwa Chiuta ndipo lingatovwira pa umoyo withu wa zuŵa na zuŵa.