LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • jl sambiro 21
  • Kasi Beteli Ni Vichi?

Vidiyo palije.

Phepani, pali suzgo linyake.

  • Kasi Beteli Ni Vichi?
  • Mbanjani Ŵakuchita Khumbo la Yehova Mazuŵa Ghano?
  • Nkhani Zakuyanako na Iyi
  • Waliyose Wakucemeka!
    Gongwe la Mulinda Likupharazga Ufumu wa Yehova—2010
  • Chiuta Wakuluwa Yayi Milimo Yiwemi Iyo Tikuchita
    Kabuku ka Maungano ka Uteŵeti na Umoyo Wachikhristu—2019
  • Kuŵika Mtima pa Ntchito ya Kupharazga
    Buku Lapachaka la Ŵakaboni ŵa Yehova la 2017
Mbanjani Ŵakuchita Khumbo la Yehova Mazuŵa Ghano?
jl sambiro 21

SAMBIRO 21

Kasi Beteli Ni Vichi?

Ŵakaboni ŵaŵiri ŵakuteŵeta ku dipatimenti ya Kunozga Vithuzithuzi ku Beteli

Dipatimenti ya kunozga vithuzithuzi, ku U.S.A.

Kaboni wa Yehova wakuchita mulimo wa kusindikizga mabuku pa Beteli ku Germany

Germany

Kaboni wa Yehova wakovwira ntchito ya kuchapa malaya pa Beteli ku Kenya

Kenya

Ŵakuŵika vyakurya mu mathebulu mu chipinda chakulyeramo ku Colombia

Colombia

Mu Chihebere, lizgu lakuti Beteli likung’anamura “Nyumba ya Chiuta.” (Genizesi 28:17, 19, mazgu ghamusi) Mphake kuti maofesi gha Ŵakaboni ŵa Yehova pa charu chose ghakumanyikwa na zina ili. Kuti ntchito ya kupharazga yende makora, ntchifukwa cha ivyo vikuchitika mu maofesi agha. Ŵakhristu awo ŵakulongozga ntchito iyo yikuchitika pa charu chose ŵali ku New York, mu charu cha United States. Ŵakhristu aŵa ŵakulaŵilira ivyo vikuchitika mu maofesi ghose, mu vyaru vyakupambanapambana. Wose awo ŵakuteŵetera mu maofesi agha ŵakuchemeka mbumba ya Beteli. Nga ni mbumba, vyose ŵakuchitira pamoza. Ŵakugwilira lumoza ntchito, ŵakulyera pamoza, na kusambira Baibolo pamoza.—Salimo 133:1.

Wose mbakujipeleka. Waliyose uyo wakuteŵetera pa Beteli wakujipeleka kuchita khumbo la Chiuta na vinthu vyakukhwaskana na Ufumu wake. (Mateyu 6:33) Palije uyo wakupokera malipiro, ndipouli, waliyose wakupika pakugona, chakurya, na kandalama kachoko waka kuti kamovwire. Waliyose wali na ntchito yake. Ŵanyake ŵakugwira ntchito mu maofesi, ŵanyake ŵakuphika, ndipo ŵanyake ŵakupwelelera malo ghakulyeramo. Ŵanyake ŵakusindikizga mabuku, ŵanyake ŵakuŵikako vikopi, ŵanyake ŵakunozga vipinda vyakugonamo, ŵanyake ŵakuchapa, ŵanyake ŵakunozga vinthu, na vinyake vyantheura.

Chilato ntchakuti ntchito ya kupharazga yendenge makora. Chilato chikuru cha Beteli ntchakuti ŵanthu ŵanandi ŵamanye unenesko. Nthena kabuku aka kali kufuma ku Beteli. Wupu wa Ŵakhristu awo ŵakulongozga ndiwo ukalaŵilira ntchito ya kulemba. Kufuma apo, ŵakatumizga kabuku aka ku vyaru vinandi kuti kang’anamulike. Ntchito ya kung’anamura yikati yamara, ŵakasindikizga kabuku aka pa makina ghankhongono, na kukatumizga ku mipingo yakujumpha 110,000. Pa vyose ivyo vikachitika kuti tiŵe na kabuku aka, awo ŵakuteŵetera pa Beteli ŵakawovwira chomene. Icho ŵakukhumba ntchakuti makani ghawemi ghapharazgike mwaluŵiro.—Mariko 13:10.

  • Mbanjani ŵakuteŵetera pa Beteli, ndipo ŵakovwirika wuli?

  • Kasi awo ŵali pa Beteli ŵakovwira pa ntchito wuli iyo yikwenera kuchitika luŵiro?

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani