Chiuta Wakuluwa Yayi Milimo Yiwemi Iyo Tikuchita

Ŵateŵeti wose ŵa Yehova ŵangachita milimo yiwemi iyo Chiuta wangaluwa yayi. Mupapi wachitemwa wakuwonga chomene ivyo ŵana ŵake ŵakuchita ndipo wakuluwa yayi. Yehova nayo wakuluwa yayi milimo yithu yiwemi na chitemwa icho tikulongora ku zina lake. (Mt 6:20; Heb 6:10) Nangauli tingapambana maluso na vinyake, kweni para tikuchita ivyo tingafiska pakuteŵetera Yehova tiŵenge ŵakukondwa. (Ga 6:4; Kol 3:23) Kwa vyaka vinandi, ŵabali na ŵadumbu ŵanandi ŵateŵeterapo pa Beteli. Kasi namwe mungajipeleka kukateŵetera pa Beteli? Para mungakwaniska yayi, kasi mungachiska ŵanyinu kuti ŵachiteko uteŵeti uwu? Panji kasi mungawovwira awo ŵakuteŵetera pa Beteli kuti ŵalutilire?

WONELERANI VIDIYO YAKUTI IVYO VIKUKHUMBIKWA KUTI MUNTHU WAKATEŴETERE PA BETELI, NDIPO PAMASINDA ZGORANI MAFUMBO GHAKULONDEZGAPO AGHA:

• Kasi tikwenera kuŵa na maghanoghano wuli para tikukhumba kukateŵetera pa Beteli?

• Ni vinthu wuli viwemi ivyo ŵanyake ŵakuyowoya vyakukhwaskana na uteŵeti wa pa Beteli?

• Kasi ni vichi vikukhumbikwa kuti munthu waŵe wakwenelera kukateŵetera pa Beteli?

• Kasi mungapempha wuli uteŵeti wa pa Beteli?