Kuyowoya Mwakawiro

Ivyo Filipu Wakachita

VIDIYO: Filipu Wakupharazgira Nduna ya ku Etiyopiya

1. Wonelerani VIDIYO, panji ŵazgani Milimo 8:​30, 31. Kufuma apo zgorani mafumbo ghakulondezgapo agha:

1. Kasi Filipu wakambiska wuli chidumbirano?

2. Chifukwa wuli iyi yikaŵa nthowa yiwemi chomene yakwambiskira chidumbirano na kumupharazgira unenesko mwanalume uyu?

Kasi Tikusambirako Vichi kwa Filipu?

2. Usange ŵanthu tikwamba kudumbiskana nawo mwakawiro, vingawovwira kuti ŵaŵe ŵakufwatuka na kuzomera uthenga withu.

Yezgani Filipu

3. Muwoneseskenge. Usange mukudumbiskana na munthu, mungamumanya makora usange mungawona umo wayimira, umo chisko chake chikuwonekera, kweniso umo wakuyowoyera. Kasi ngwakunweka kuyowoya nayo? Kuti mwambe kudumbiskana nayo uthenga wa mu Baibolo mungamba na fumbo lakuti, Kasi mukumanya kuti. . . ?” Mungamuchichizganga yayi munthu uyo wandakhumbe kudumbiskana nase.

4. Muzikirenge. Lekani kughanaghana kuti mukukhumbikwira kumuphalira uthenga wa mu Baibolo nyengo yeneyiyo. Mukwenera kulindilira nyengo yiwemi kuti mumupharazgire. Nakuti panji nyengo zinyake mungakhumbikwira kulindilira kuti muzakamupharazgire ulendo unyake.

5. Musinthenge. Nyengo zinyake munthu wangambiska nkhani iyo mwakhazganga yayi. Ntheura mungadumbiskana nayo nkhani iyo yikukolerana na ivyo wayambiska, nanga vingaŵa kuti ndivyo imwe mwangunozgekera yayi.