LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • w09 1/1 p. 3
  • Cigomezgo Ico Ŵanandi Ŵali Naco

Vidiyo palije.

Phepani, pali suzgo linyake.

  • Cigomezgo Ico Ŵanandi Ŵali Naco
  • Gongwe la Mulinda Likupharazga Ufumu wa Yehova—2009
  • Mitu Yichoko
  • Nkhani Zakuyanako na Iyi
  • Ivyo Ŵalongozgi ŵa Visopa Ŵakusambizga
  • Cifukwa Wuli Kumanya Unenesko Nkhwakuzirwa?
  • Kasi Mbanjani Awo Ŵakuluta ku Helo?
    Mafumbo Agho Baibolo Likuzgora
  • Kasi Helo Ni Malo Ghanadi? Kasi Baibolo Likuti Helo Ni Vichi?
    Mafumbo Agho Baibolo Likuzgora
  • Kasi Kumanya Unenesko Wakukhwaskana na Helo Kungamovwirani Wuli?
    Gongwe la Mulinda Likupharazga Ufumu wa Yehova—2009
Gongwe la Mulinda Likupharazga Ufumu wa Yehova—2009
w09 1/1 p. 3

Cigomezgo Ico Ŵanandi Ŵali Naco

“Nkhalota kuti nkhuphya mu helo. Nkhawonanga nga kuti naponyeka mu ng’anjo ya moto, ndipo nkhawuka na kulira comene. Kufuma pa nyengo iyo nkhawoneseska kuti nileke kucita kwananga.”—Arline.

KASI mukugomezga kuti ŵakwananga ŵamutambuzgika mu helo? Ndivyo ŵanandi ŵakugomezga. Mwaciyelezgero, mu 2005, munthu munyake uyo wakasambiranga vya uciuta pa univesite ya St. Andrews ku Scotland, wakasanga kuti ŵaliska ŵanandi ŵakagomezganga kuti awo ŵagalukira Ciuta ŵamusuzgika “kwamuyirayira mu helo.” Pakaŵaso ŵanyake awo ŵakagomezganga kuti awo ŵakuluta ku helo ŵazamupulika vyakuŵinya.

Mu vyaru vinandi ŵanthu ŵakugomezga kuti kuli helo. Kusanda uko George Gallup wakacita ku United States mu 2007 kukalongora kuti pa ŵanthu 100 ŵaliwose awo ŵakafumbika, 70 ŵakalongora kuti ŵakugomezga kuti kuli helo. Cigomezgo ici nchakuzara comene nanga ni mu vyaru ivyo ŵanthu ŵakugomezga viŵi yayi Ciuta. Kusanda kwa mu 2004 uko Gallup wakacita ku Canada, kukalongora kuti ŵanthu 42 pa ŵanthu 100 ŵakagomezganga kuti kuli helo. Ndipo ku Great Britain, ŵanthu 32 pa ŵanthu 100 ŵakagomezganga kuti kuli helo.

Ivyo Ŵalongozgi ŵa Visopa Ŵakusambizga

Ŵalongozgi ŵanandi ŵa visopa ŵaleka kusambizga kuti helo ni malo uko ŵanthu ŵakutambuzgika na moto. M’malo mwake, ŵakusambizga vinthu vyakuyanako na ivyo vili mu kabuku ako kakalembeka mu 1994. Kabuku aka kakuti: ‘Kulangika mu helo kukung’anamura kupatukana na Ciuta kwamuyirayira.’—Catechism of the Catholic Church.

Nangauli vili nthena, kweni ŵanandi ŵacali kugomezga kuti ŵanthu ŵazamutambura ku helo. Awo ŵakusambizga cisambizgo ici ŵakuti nchakufuma mu Baibolo. R. Albert Mohler uyo ni pulezidenti wa Southern Baptist Theological Seminary, wakati: “Ici nchisambizgo ca mu Malemba.”

Cifukwa Wuli Kumanya Unenesko Nkhwakuzirwa?

Usange mbunenesko kuti ŵanthu ŵamusuzgika ku helo, mukwenera kopa. Kweni usange cisambizgo ici nchautesi, ŵalongozgi ŵa visopa awo ŵakusambizga cigomezgo ici ŵakutimbanizga ŵanthu na kuŵapangiska kuti ŵaŵe na wofi wambura kwenelera. Ndiposo ŵakuyuyura Ciuta.

Kasi Baibolo likuyowoyapoci pa nkhani iyi? Nkhani zakulondezgapo zizgorenge mafumbo ghatatu agha: (1) Kasi nchivici cikucitika para munthu wafwa? (2) Kasi Yesu wakasambizgaci za helo? (3) Kasi kumanya unenesko wakukhwaskana na helo kungamovwirani wuli?

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani