LAYIBULARE YA PA INTANETI ya Watchtower
Watchtower
LAYIBULARE YA PA INTANETI
Chitumbuka
  • BAIBOLO
  • MABUKU
  • MAUNGANO
  • w11 5/15 p. 6
  • “Mulaŵiliri Muwemi na Mubwezi Wakutemweka”

Vidiyo palije.

Phepani, pali suzgo linyake.

  • “Mulaŵiliri Muwemi na Mubwezi Wakutemweka”
  • Gongwe la Mulinda Likupharazga Ufumu wa Yehova—2011
  • Nkhani Zakuyanako na Iyi
  • Cipharazgo Capadera
    Gongwe la Mulinda Likupharazga Ufumu wa Yehova—2001
  • “Ndise Pano! Titumani!”
    Gongwe la Mulinda Likupharazga Ufumu wa Yehova (Lakusambira)—2020
  • Wovwirani Ŵana Ŵinu Kuti Ŵaleke Kutimbanizgika na Malipoti gha Nkhani Zakofya
    Vyakovwira Mabanja
  • Ungano Wambura Kuluwika
    Gongwe la Mulinda Likupharazga Ufumu wa Yehova—2011
Wonani Vinyake
Gongwe la Mulinda Likupharazga Ufumu wa Yehova—2011
w11 5/15 p. 6

“Mulaŵiliri Muwemi na Mubwezi Wakutemweka”

JOHN (JACK) BARR, uyo wakaŵa mu Wupu Wakulongozga wa Ŵakaboni ŵa Yehova, wali kumalizga uteŵeti wake wa pa caru capasi pa Cisulo mulenji, pa Disembala 4, 2010. Wakaŵa na vilimika 97. Wakaŵa “mulaŵiliri muwemi na mubwezi wakutemweka.”

Mbali Jack Barr, wakababikira ku Aberdeen, Scotland. Mu mbumba yawo ŵakababika ŵana ŵatatu, iyo ndiyo wakaŵa waumaliro. Ŵapapi ŵake wose ŵakaŵa ŵakuphakazgika. Mbali Barr wakatemwanga comene kuyowoya umo ŵapapi ŵake ŵakamulelera; ndipo wakawonganga comene umo ŵapapi ŵake ŵakacitiranga vinthu.

Kukwambilira kwa vilimika vyake vya uwukirano, Mbali Jack wakacitanga soni kudumbiskana na ŵanthu ŵacilendo. Kweni wakaŵikapo mtima kuti watonde suzgo ili. Zuŵa linyake pa Sabata namise mu 1927, apo wakaŵa na vilimika 14, wakaphalira adada ŵake kuti ngwakunozgeka kuluta nawo mu upharazgi wa ku nyumba na nyumba. Uku ndiko kukaŵa kwamba kwa uteŵeti wake. Kufuma pa zuŵa lira mpaka nyifwa yake, Mbali Barr wakalutilira kupharazga mwamwamphu makani ghawemi.

Ngozi ya anyina iyo yikakhala pacoko kutora umoyo wawo, yikamupangiska kuti waghanaghanirepo comene cilato ca umoyo. Mu 1929 wakajipatulira kwa Yehova, ndipo mu 1934 wakalongora pakweru kujipatulira kwake. Mu 1939, wakamba kuteŵetera pa Beteli ya ku London, England. Ntheura, apa ndipo wakambira uteŵeti wanyengozose uwo wawucita kwa vilimika 71.

Pa Okutobala 29, 1960, Mbali Barr wakatora Mildred Willett, uyo wakaŵa mupayiniya wamwamphu na mishonale, ndipo wakatenge ubwezi wawo ‘ngwapadera comene.’ Mbali na Mudumbu Barr ŵakamanyikwanga kuti ni mbumba ya kujipeleka, ndipo ŵakalutilira kucita nthena mpaka apo Mildred wakamalizgira uteŵeti wake wa pa caru capasi pa Okutobala 2004. Mbali na Mudumbu Barr zuŵa lililose ŵakaŵazgiranga lumoza Baibolo.

Awo ŵakamumanyanga, para ŵapulika waka zina lakuti Jack Barr ŵakumbukirenge za ulongozgi wake uwemi, wakwenelera, walusungu, ndiposo wakujintha mu Malemba. Wakalimbikiranga nchito, wakaŵa mulaŵiliri wakughanaghanira ŵanji, wacitemwa, ndiposo mubwezi wakugomezgeka. Fundo zake, nkhani izo wakayowoyanga, na malurombo ghake ghakavumburanga umo wakatemweranga vinthu vyauzimu ndiposo Yehova.

Nangauli mbali withu Barr timusoŵenge, kweni tikukondwa nayo lumoza pakuti wali kupokera cawanangwa cake ca umoyo wambura kufwa, ico wakalindiliranga ndipo kanandi wakacizunuranga. Ndico wakazirwiskanga comene pa umoyo wake wose.—1 Kor. 15:53, 54.a

[Mazgu ghamusi]

a Kuti mumanye vinandi pa nkhani ya umoyo wa John E. Barr, wonani Gongwe la Mulinda la Cingelezi la Julayi 1, 1987, peji 26-31.

    Mabuku gha Chitumbuka (1982-2023)
    Fumani
    Njirani
    • Chitumbuka
    • Tumizgani
    • Ivyo Mukukhumba
    • Copyright © 2025 Watch Tower Bible and Tract Society of Pennsylvania
    • Malango
    • Phangano
    • Privacy Settings
    • JW.ORG
    • Njirani
    Tumizgani