Kasi Mukukumbuka?
Kasi muli kuŵazgapo magazini gha Gongwe la Mulinda gha sonosono apa? Yezgani kuzgora mafumbo agha:
• Kasi ni fundo wuli zitatu izo zingatovwira kuti tikane kucita vinthu mwambura kugomezgeka?
Fundo zake ni izi: (1) Kopa Ciuta mwakwenelera. (1 Pet. 3:12) (2) Njuŵi yakusambizgika Baibolo. (3) Kuŵa na mzimu wakukhorwa.—4/15, peji 6-7.
• Kasi tikumanya wuli kuti kuteŵetera Ciuta na mtima wose kukung’anamura kuti tileke kusangwa yayi?
Yesu nchakuwonerapo ciwemi. Wakatemwanga kurya cakurya na ŵanji. Yesu waŵenge wambura kukondwa, ŵanthu ŵakatenge ŵamulondezgenge yayi. Nanga mbana ŵakafwatukanga nayo.—4/15, peji 10.
• Kasi ŵakutorana ŵangacita wuli para nthengwa yawo yikwenda makora yayi cifukwa cakuti ŵamba kuŵa na ŵana?
Ŵakwenera kukhozga citemwa cawo. Mfumu wakwenera kucita vinthu mu nthowa yakuti muwoli wajipulikenge kuti wakutemweka. Wose ŵakwenera kudumbiskana mwakufwatuka.—5/1, peji 12-13.
• Kasi ntharika ya khuni la maolive iyo yikulongosoreka mu Ŵaroma cipaturo 11 yikwimira vici?
Khuni la maolive ili likulongosora za cigaŵa caciŵiri ca mphapu ya Abrahamu, panji kuti Israyeli wauzimu. Msisi wa khuni ili ukwimira Yehova, ndipo ciŵiriŵiri cake cikwimira Yesu. Ŵayuda ŵanandi ŵakati ŵamukana Yesu, Ŵamitundu awo ŵakazomera Yesu ŵakabamphikika ku khuni ili, mwakuti ŵafiske unandi wose wa cigaŵa caciŵiri ca mphapu ya Abrahamu.—5/15, peji 22-25.
• Kasi ni nkhani wuli yakukondweska iyo tingaphalira ŵakavu?
Nkhani yakukondweska njakuti Ciuta wimika Yesu kuŵa Themba. Yesu ni muwusi uyo wazamumazga nadi ukavu. Nakuti ndiyo wawusenge ŵanthu wose ndipo wali na nkhongono, wakulengera citima ŵakavu, ndiposo wazamuwuskapo ico cikucitiska ukavu.—6/1, peji 7.
• Kasi Yesu wakang’anamurangaci apo wakaphalira Kayafa kuti: “Wayowoya wekha”?—Mat. 26:63, 64.
Mazgu ghakuti “wayowoya wekha” ghakuwoneka kuti ndigho Ŵayuda ŵakatemwanga kuyowoya para ŵakukhozgera kuti fundo iyo yayowoyeka njaunenesko. Apo musofi mukuru Kayafa, wakafumba Yesu kuti wayowoye usange ni Khristu Mwana wa Ciuta, Yesu wakazgora kuti “wayowoya wekha.”—6/1, peji 18.
• Kasi ŵana awo Yesu wakatenge wababenge, nawo ŵakatenge ŵaŵenge cigaŵa ca sembe yakuwombora?
Cara. Nangauli Yesu wakatenge wababenge ŵana ŵanandi ŵakufikapo, ŵana aŵa ŵakatenge ŵaŵenge cigaŵa ca sembe yakuwombora yayi. Umoyo wa Yesu wekha ndiwo ukayana na wa Adamu. (1 Tim. 2:6)—6/15, peji 13.
• Kasi Ŵakhristu ŵangalongora wuli kuti ŵakupulikira cenjezgo lakukhwaskana na ŵasambizgi ŵatesi ilo lili pa Milimo 20:29, 30?
Tikuŵapokelera yayi mu nyumba zithu, nesi kuŵatawuzga. (Rom. 16:17; 2 Yoh. 9-11) Tikukanaso kuŵazga mabuku ghawo, kuwonelera visopo vyawo pa TV, nesi kujura mawebusayiti ghawo pa Intaneti.—7/15, peji 15-16.
• Kasi ni njani wakwenera kusambizga ŵana vya Ciuta?
Baibolo likuti dada na mama ŵakwenera kovwirana pakusambizga ŵana. (Zinth. 1:8; Efe. 6:4) Kusanda kwalongora kuti ŵana ŵakukura makora comene para ŵapapi wose ŵakovwirana pa mulimo uwu.—8/1, peji 6-7.