“Ŵakuzika Ŵazamuhara Charu Chapasi”
Taŵanandi tili kuwonapo vinthu vyambura urunji vikuchitika kweniso kuti ŵanthu ŵambura mulandu ŵakusuzgika na ŵaheni. Kasi vinthu ivi vingazakamara?
Baibolo mu Salimo chaputara 37, likuzgora fumbo ili ndipo muli fundo zakovwira mazuŵa ghano. Wonani umo likuzgolera mafumbo ghakulondezgapo agha.
Kasi tikwenera kuchitachi para ŵanthu ŵatichitira vinthu vyambura urunji?—Vesi 1, 2.
Kasi ntchivichi chizamuchitikira ŵaheni?—Vesi 10.
Kasi tikwenera kuchitachi sono?—Vesi 34.
Fundo za mu Salimo 37 zikulongora kuti awo ‘ŵakugomezga Yehova na kwenda mu nthowa yake,’ vinthu vizamuŵayendera makora. Ŵakaboni ŵa Yehova ŵangakondwa chomene kumovwirani kusambira Baibolo kuti mumanye ivyo mungachita kuti muŵe na munthazi muwemi, imwe na ŵakutemweka ŵinu.