Kasi Mundasayine?

Kusayina vici? Kusayina kadi la Mazaza gha Mwimiliri pa Umoyo Wane, ilo likupelekeka ku Ŵakaboni ŵakubapatizika. Pakuti “mukumanya cara umo umoyo winu uŵirenge macero” nchakuzirwa comene kuti musankhirethu na kulemba nthowa zakucizgira izo mukuzomerezga. (Yak. 4:14; Mil. 15:28, 29) Kuti mumanye vinandi pa nkhani iyi, wonani cipaturo 7 mu buku la “Citemwa ca Ciuta” ndiposo mabuku ghanyake agho ghazunulikamo. Lombani na kuweleramo ivyo mwasambira mwa kuzgora mafumbo ghakulondezgapo agha:—(1) Kasi Ŵakaboni ŵa Yehova ŵakuwona wuli kuŵikika ndopa panji vigaŵa vikuruvikuru vya ndopa? (2) Mpha nkhani wuli yakukhwaskana na ndopa apo Ŵakhristu ŵangasankha mwakupambana? (3) Kasi tikwenera kuwona wuli nkhani yakukhwaskana na njuŵi? (4) Kasi pangaŵa uheni wuli para munthu wangapokera ndopa? (5) Kasi pali nthowa wuli zakucitira opareshoni kuti ndopa zileke kuthika comene? (6) Kasi nthowa zinyake zakucizgira kwambura ndopa zingawovwira ŵana panji ŵanthu awo ŵakukhumbikwira wovwiri waluŵiroluŵiro? (7) Cifukwa wuli Ŵakhristu ŵakwenera kusangirathu nthowa zakucizgira kwambura ndopa? Kasi ŵangacita wuli?

Waliyose wakwenera kusankha yekha nthowa zinyake zakucizgira kwambura ndopa izo zazunulika mu buku la “Citemwa ca Ciuta” mwakuyana na umo njuŵi yake yili kusambizgikira na Baibolo. Kasi mwasankha makora nthowa zakucizgira izo imwe na ŵana ŵinu mukuzomera ndipo mwalemba kadi la Mazaza gha Mwimiliri pa Umoyo Wane? Wonani mutu wakuti: “Kasi Nkhuti Wuli na Vigaŵa Vicokovicoko vya Ndopa, Ndiposo Para Ŵakuti Ŵanovwire na Ndopa Zane?” mu mphapika ya Uteŵeti Withu wa Ufumu wa Novembala 2006. Paumaliro, woneseskani kuti mwalemba makora ivyo mwasankha pa kadi la Mazaza gha Mwimiliri pa Umoyo Wane. Ivyo mwasankha mukwenera kumanyiska ŵimiliri ŵinu ndiposo ŵabali ŵinu awo Mbakaboni yayi.

[Bokosi pa peji 3]

• Kasi mwasankha nthowa zakucizgira kwambura ndopa izo imwe na ŵana ŵinu mukukhumba?

• Kasi nyengo zose mukuyegha kadi la Mazaza gha Mwimiliri pa Umoyo Wane?