Kasi Mwanozgekera Vyamabuci?

Vinthu vyamabuci vingatiwira nyengo yiliyose. (Yak. 4:14) Ntheura, uyo wakughanaghana makora wakunozgekera mwakukwana pambere vindasuzge. (Zinth. 22:3) Kasi mwasankha na kulemba nthowa zakucizgira izo ŵangamovwilirani? Nthowa zinyake zakucizgira kwambura ndopa izo zili mu cipaturo 7 mu buku la “Citemwa ca Ciuta” na mabuku ghanyake agho ghazunulikamo kweniso mu mphapika ya Uteŵeti Withu wa Ufumu wa Novembala 2006 vingatovwira pa nkhani iyi. Apo mukuŵazga fundo izi, yezgani kuzgora mafumbo ghakulondezgapo agha.

(1) Yowoyani cifukwa cikuru ico Ŵakaboni ŵa Yehova ŵakukanira kuŵikika ndopa. (2) Pa nkhani yakukhwaskana na nthowa zakucizgira, kasi Ŵakaboni ŵa Yehova ŵakukhumba vici? (3) Kasi ŵalwari ŵali na wanangwa wuli? (4) Cifukwa wuli nchiwemi kusankha mwamahara ndiposo mwakupwelelera nthowa zinyake zakucizgira kwambura kusazgako ndopa? (5) Para ndopa zinandi zatayika, ni vinthu wuli viŵiri ivyo madokotala ghakucita dankha? (6) Kasi mukukhumbikwira kumanya vici pakukhwaskana na nthowa zinyake zakucizgira kwambura kusazgako ndopa? (7) Kasi opareshoni yikuru yingacitika kwambura kuŵikika ndopa? (8) Ni vinthu wuli viwemi ivyo ŵadokotala ŵanandi ŵakuyowoya?

Pakuti waliyose wakwenera kusankha yekha nthowa zakucizgira kuyana na njuŵi yake, ipo tingalindizganga kuti vyamabuci vitiwire dankha yayi. Usange muli ŵakupabatizika, lembani makora nthowa zakucizgira izo mwasankha pa kadi la Mazaza gha Mwimiliri pa Umoyo Wane ndipo woneseskani kuti mwendenge nalo.

[Mazgu Ghakukhozgera pa peji 3]

Kasi mwasankha na kulemba nthowa zakucizgira izo ŵangamovwilirani?