Ivyo Mungayowoya Pakugaŵira Magazini

Gongwe la Mulinda Okutobala—Disembala

“Nyengo zinyake ŵanthu ŵakucita vinthu viheni cifukwa ca kupusikika kuti ŵali na mwamphu pa kusopa Ciuta. Kasi mukughanaghana kuti nchivici cikuŵapangiska kuti ŵapusikikenge nthena? [Mulekani wazgore.] Wonani ivyo Baibolo likuticiska. [Ŵazgani 1 Yohane 4:1.] Nkhani iyi yikulongosora cifukwa ico kuliri kwakuzirwa kuyaniska ivyo tikugomezga na ivyo Baibolo likuyowoya.” Mulongorani nkhani iyo yikwambira pa peji 29.

Galamukani! Okutobala

“Ŵanthu ŵanyake ŵakuwona kuti Ciuta ni munthu wanadi yayi kweni ni nkhongono waka. Ŵanyake ŵakuwona kuti ni munthu nadi ndipo nayo wakughanaghana. Imwe mukughanaghana wuli? [Mulekani wazgore.] Wonani mazgu ghakukondweska agha. [Ŵazgani 1 Petrosi 5:6, 7.] Nkhani iyo yikwambira pa peji 29 yikuzgora kufumira mu Baibolo fumbo lakuti, Kasi Ciuta ni munthu wanadi?”

Gongwe la Mulinda Okutobala—Disembala

Zunurani nkhani ya sonosono iyo yikufipiska ŵanthu mtima mu cigaŵa cinu. Pamanyuma yowoyani kuti: “Kasi muli kuzizwapo cifukwa ico ŵanthu ŵakucitira vinthu viheni ivi? [Mulekani wazgore.] Baibolo likutiphalira cifukwa ico tingalindizgira kuti vinthu ivi vizamumara. [Ŵazgani 2 Petrosi 3:13.] Baibolo likuyowoya ivyo vikupangiska vinthu viheni ndiposo umo Ciuta wazamuvimazgira. Ndivyo magazini iyi yikulongosora.”

Galamukani! Novembala

“Ŵanthu ŵanyake awo ŵakugomezga kuti Ciuta kulije ŵakughanaghana kuti awo ŵakusopa Ciuta ndiwo ŵakuŵa panthazi kucita vinthu viheni vinandi ndipo ŵakuwona kuti caru cingaŵa ciwemiko para ŵanthu ŵangaleka waka kusopa. Kasi mukughanaghana wuli? [Mulekani wazgore.] Pano pali cifukwa cimoza ico cisopa cautesi capangiskira kuti kuŵe masuzgo. [Ŵazgani 2 Timote 4:3, 4.] Magazini iyi yikuyowoya vifukwa vinyake vyambura kupulikikwa ivyo awo ŵakugomezga kuti Ciuta kulije ŵakuyowoya.”