‘Gaŵirani Magazini Ghakale Panji Burosha Lililose Ilo Munthu Wanganweka Nalo’
Myezi yinyake tikugaŵira buku la Kasi Baibolo Likusambizgaci Comenecomene? na kufwilirapo kwambiska sambiro la Baibolo pa ulendo wakwamba. Para munthu wali nalo kale buku ili ndipo wakana kusambira nayo Baibolo, tikuciskika kumugaŵira magazini ghakale panji burosha lililose ilo wanganweka nalo. Cifukwa?
Mu maburosha na magazini ghakale mukusangika nkhani zakupambanapambana. Mutu unyake mu maburosha na magazini agha ungamucontha mtima munthu. Ntheura, para tikuluta mu uteŵeti wa m’munda, tiŵikengemo vinthu ivi mu cikwama cithu. Usange tilije magazini ghakale, tingakatora ku Nyumba ya Ufumu. Para munthu wali nalo kale buku la Kasi Baibolo Likusambizgaci Comenecomene? ndipo wakana kusambira nayo Baibolo, tingamulongora magazini panji maburosha agha kuti wasankhepo agho wanganweka nagho. Pamanyuma, panganani kuti muzakawelereko, ndipo panji wangazakanweka. Mwamanya wuli, panji wazamuzomera kusambira Baibolo!