Ŵawukirano Ŵakufumba, Kasi Nicitenge Vici pa Umoyo Wane?—(Cigaŵa 2)
Kuyana na ivyo ŵawukirano ŵakukumana navyo mazuŵa ghano, dumbiskanani fundo zinyake izo zingaŵawovwira kuti ŵasankhe kuteŵetera Yehova. Pakudumbiskana fundo izi, fumbani mafumbo agho ghali pasi apa. Kweniso, apo mukudumbiskana mafumbo agha, longosorani umo ŵawukirano ŵangalondezgera ivyo ŵakasambira sabata yamara mu buku la Mafunso a Zimene Achinyamata Amafunsa—Buku Lachiwiri, peji 311-317.
Kujipeleka ku Vinthu Vyawakawaka Panji kwa Ciuta: (1) Kasi ŵawukirano ŵakucicizgika kuti ŵacite vici? (2) Kasi lemba la 1 Yohane 2:17, lingawovwira wuli muwukirano kusankha apo wangafika na masambiro gha ku caru? (3) Cifukwa wuli tikwenera yayi kopa kubapatizika? (4) Ni vici vinyake ivyo tikwenera kucita kuti tiŵe ŵakwenelera kubapatizika? Kukondwa na Uteŵeti: (5) Cifukwa ŵanyake ŵakukondwa yayi na uteŵeti? (6) Kasi ni vici ivyo vingatovwira kuti tikondwenge na uteŵeti? (7) Ni vici ivyo ŵawukirano ŵanji ŵakopa comene kuluska kupharazgira munthu uyo ŵandakumanepo nayo kale? (8) Kasi tingamazga wuli wofi, ndipo tingacitaci kuti tiŵe na cikanga pakupharazga? (9) Cifukwa wuli tikwenera kuyezgayezga kuti tiŵe na luso pakupharazga? Mulyango wa Uteŵeti Wajulika: (10) Kasi upayiniya ukovwira wuli kuti tikure mwauzimu? (Fil. 3:16) (11) Cifukwa wuli ŵanyake ŵakugongowa kucita upayiniya? (12) Ni fundo wuli za mu Malemba izo zingatovwira kuti tileke kwenjerwa na umo tisangirenge ndalama? (13) Kasi ŵanji ŵacitaci kuti ŵasange ndalama zakuti ziŵawovwire pakucita upayiniya? (14) Usange tingafiska yayi kucita uteŵeti wanyengozose cifukwa ca umo vinthu viliri, kasi tikwenera kucitaci?
Kusambira Patekha: (15) Cifukwa wuli nchakuzirwa kuŵa na ndondomeko yiwemi yakusambira patekha? Kupharazga Pakweru: (16) Kasi kupharazga mu nthowa zakupambanapambana kungatovwira wuli kuti tikondwenge na uteŵeti? Kuteŵetera Beteli: (17) Kasi kuteŵetera pa Beteli kuli na vitumbiko wuli? Sukulu Yakusambizga Uteŵeti: (18) Kasi awo ŵali kulutako ku sukulu iyi (iyo sono yikucemeka Sukulu Yakusambizga Baibolo ya Ŵabali Ŵambura Kutora) ŵasanga vitumbiko wuli?