Masacizgo

Kwambiska Masambiro gha Baibolo pa Cisulo Cakwamba mu Meyi

“Cinthu cimoza ico taŵanthu tikuyana nchakuti tose tikubuda. Kasi mukughanaghana kuti Ciuta wangagowokera zakwananga nanga zingaŵa zikuru wuli?” [Mulekani wazgore.] Mulongorani nkhani iyo yili pa peji 15 mu Gongwe la Mulinda la Meyi 1, ndipo dumbiskanani fumbo lakwamba na kuŵazgapo lemba. Mupani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Meyi 1

“Nkhukhumba kuti nipulike maghanoghano ghinu pa nkhani iyi. [Ŵazgani 1 Yohane 4:8.] Ŵanandi ŵakukolerana nagho mazgu agha, kweni ŵanyake ŵakughanaghana kuti Ciuta ngwankhaza cifukwa wakupangiska masuzgo, panji kuzomerezga masoka ghacilengiwa. Imwe mukuti wuli? [Mulekani wazgore.] Magazini iyi yikulongosora vifukwa ivyo tikwenera yayi kughanaghana kuti Ciuta ngwankhaza.”

Galamukani! Meyi

“Unkhungu na kukolelerana ni suzgo likuru comene mazuŵa ghano. Ŵanji ŵakughanaghana kuti suzgo ili lingacepa para pangaŵa ŵapolisi ŵanandi. Imwe mukutipo wuli? [Mulekani wazgore.] Kasi mukumanya kuti Baibolo likulayizga kuti suzgo ili lizamumara? [Ŵazgani Salmo 37:10, 11.] Magazini iyi yikulongosora vya layizgo ili kweniso ivyo tingacita kuti tijivikilire.”