Yowoyanipo Nkhani Yimoza, Kweni Mupani Ghose Ghaŵiri
Mu magazini yiliyose mukuŵa nkhani zakupambanapambana. M’malo mwa kulongosora nkhani zinandi, nchiwemi kuyowoyapo waka yimoza. Usange tili maso na kuyimanya makora magazini iyo tigaŵirenge, tingasankha nkhani ya mu Gongwe la Mulinda panji Galamukani! iyo munthu wangatemwa. Para panyumba tawonapo vidoli, tingasankha nkhani iyo yikuyowoya vya mbumba. Usange tasanga mwanalume, tingadumbiskana nayo nkhani iyo ŵanalume ŵanandi ŵakutemwa, nga yakuyowoya vya boma liwemi. Nangauli tingalongosora nkhani yimoza pera, kweni tikwenera kumupa magazini ghose ghaŵiri para ngwakunweka.