“Nipokenge Buku Linu Para Namwe Mungapoka Lane”

Ndimo ŵanji ŵakuyowoyera para tili mu upharazgi. Ise tikusinthana mabuku ghithu na agho ghakuthandazga vyautesi yayi. Ipo kasi tingazgora wuli mwamahara? (Rom. 1:25) Tingayowoya kuti: “Nawonga. Kasi buku linu likuyowoya kuti masuzgo gha ŵanthu ghazamumara wuli? [Mulekani wazgore. Para wakumuphalirani kuti mwamusanga zgoro para mwakaŵazga, mungamuphalira kuti imwe mukupeleka buku kwa munthu kwambura kulongosora ivyo likuyowoya yayi. Pamasinda, ŵazgani panji yowoyanipo waka ivyo vili pa Mateyu 6:9, 10.] Yesu wakati Ufumu wa Ciuta ndiwo uzamupangiska kuti khumbo la Ciuta licitike pa caru capasi. Ntheura, nkhuŵazga mabuku gha cisopa ghekha agho ghakulongosora vya Ufumu wa Ciuta. Kasi mungatemwa kuti nimulongorani kufuma mu Baibolo ivyo Ufumu uwu uzamucita?”