Masacizgo

Ivyo Tingayowoya Pakucemera Ŵanthu ku Cikumbusko

“Tikukhumba kumupani kapepara aka kakumucemerani ku ungano wakuzirwa comene. Ungano uwu ucitikenge pa Epulero 14. Pa zuŵa ili ŵanthu ŵanandi ŵazamukumbukira nyifwa ya Yesu na kutegherezga nkhani yakufuma mu Baibolo yakulongosora umo nyifwa yake yikutovwilira. Pa kapepara aka talembapo malo na nyengo iyo ungano uwu uzamucitikira kuno kwithu.”

Gongwe la Mulinda Epulero 1

“Tikudumbiskana na ŵanyithu za cinthu cinyake ico ŵanthu ŵanandi ŵakucita. Pafupifupi waliyose wakulomba, kwali ngwacisopa wuli. Kasi mukughanaghana kuti Ciuta wakuzgora malurombo, panji mukuwona kuti ghakutovwira waka kuti tileke kwenjerwa comene para tikusuzgika? [Mulekani wazgore.] Wonani ivyo Baibolo likuyowoya pa nkhani ya lurombo. [Ŵazgani 1 Yohane 5:14.] Magazini iyi yikulongosora umo lurombo lungatovwilira.”

Galamukani! Epulero

“Tikudumbiskana na ŵanyithu za suzgo ilo lazara comene mazuŵa ghano. Ŵanthu ŵanyake ŵakwenjerwa comene na masuzgo mwakuti ŵakufika pakukhumba kujikoma. Para munthu wakukhumba kujikoma, kasi mukughanaghana kuti wakukhumba nadi kufwa, panji wakukhumba waka kupumura ku masuzgo? [Mulekani wazgore.] Wonani ivyo Baibolo likulayizga ivyo vyawovwira ŵanthu ŵanandi kuti ŵaleke kwenjerwa comene. [Ŵazgani Uvumbuzi 21:3, 4.] Magazini iyi yikulongosora vifukwa vitatu ivyo munthu wangakhumbira kuŵa wamoyo nangauli wakusuzgika.”