Masachizgo

Ivyo Tingayowoya Pakuchemera Ŵanthu ku Chikumbusko

“Tikukhumba kumupani kapepara aka kakumuchemerani ku ungano wakuzirwa chomene. Ungano uwu uzamuchitika pa Epulero 3. Pa zuŵa ili ŵanthu ŵanandi ŵazamukumbukira nyifwa ya Yesu Khristu na kutegherezga nkhani yakufuma mu Baibolo yakulongosora umo nyifwa yake yikutovwilira. Pa kapepara aka talembapo malo na nyengo iyo ungano uwu uzamuchitikira kuno kwithu.”

Gongwe la Mulinda Malichi 1

“Pa Epulero 3 tizamukumbukira nyifwa ya Yesu Khristu. Ŵanthu ŵanyake ŵazamuwungana kuti ŵakumbukire nyifwa yake pa deti ili, kweni ŵanthu ŵanyake ŵakuwona kuti nyifwa ya Yesu yilije ntchito. Imwe mukuti wuli? Kasi mukughanaghana kuti nyifwa na chiwuka cha Yesu vikutovwira? [Mulekani wazgore.] Wonani ivyo Mazgu gha Chiuta ghakuyowoya pa nkhani iyi. [Ŵazgani 1 Ŵakorinte 15:22, 26.] Magazini iyi yikulongosora umo nyifwa ya Yesu yizamutovwilira kunthazi. Yikuti zuŵa linyake nyifwa yizamumara pano pa charu chapasi.”

Galamukani! Malichi

“Nkhukhumba kumulongorani Galamukani! ya mwezi uno. [Mulongorani mutu uwo uli pa chikopi.] Ŵanthu ŵakuzgora mwakupambana fumbo ili, lakuti “Kodi Ndizikhulupiriradi Zoti Kuli Mulungu?” Kasi imwe mukuwona kuti ni njani uyo wangaŵako na chigomezgo chiwemi cha munthazi pakati pa uyo wakugomezga kuti kuli Chiuta na uyo wakuti kulije? [Mulekani wazgore.] Lemba ili likuyowoya ivyo Chiuta walayizga. [Ŵazgani Masalmo 37:10, 11.] Magazini iyi yikulongosora vinthu vinayi ivyo vikulongora kuti Chiuta waliko.”