Masacizgo

Kwambiska masambiro gha Baibolo pa Cisulo cakwamba mu Malici

“Tiza pano kuti timumanyiskani cinthu cinyake ico cizamucitika pa Epulero 14. Pa zuŵa ili, tizamukumbukira nyifwa ya Yesu. Ŵanyake ŵazamukumbukira cifukwa ŵakumanya kuti nyifwa yake njakuzirwa. Kweni ŵanji ŵakumanya makora yayi kuzirwa kwa nyifwa ya Yesu. Kasi mukughanaghana kuti nyifwa ya Yesu yingatovwira?” Mulekani wazgore. Mulongorani nkhani iyo yili pa peji laumaliro la Gongwe la Mulinda la Malici 1, ndipo dumbiskanani fumbo lakwamba na kuŵazgapo lemba. Mulekerani magazini na kupangana kuti mukawereso kuzakazgora fumbo lakulondezgapo.

Gongwe la Mulinda Malici 1

“Ŵanandi ŵakumanya yayi cifukwa ico Ciuta wakulekelera vinthu vyambura urunji na masuzgo mu caru. Kasi mukughanaghana kuti Ciuta wakutitemwa yayi panji vikumukondweska kuti tisuzgikenge? [Mulekani wazgore. Ŵazgani Yohane 3:16.] Nangauli ŵanandi ŵakuŵazga vesi ili para ŵakukhumba kulongora kuti Ciuta wakutitemwa, kweni ŵakumanya yayi kukhumbikwa kwa nyifwa ya Yesu. Magazini iyi yikulongosora umo nyifwa ya Yesu yizamovwilira kuti masuzgo na vinthu vyambura urunji vimare pa caru capasi.”

Galamukani! Malici

“Ŵanandi ŵakulipulikiska yayi vesi ili. [Ŵazgani Genesis 1:1.] Ŵanyake ŵakugomezga ivyo vesi ili likuyowoya kuti caru cikacita kulengeka, apo ŵanji ŵakukana. Imwe mukuti wuli? [Mulekani wazgore.] Ŵanandi ŵakugomezga yayi kuti vinthu vikacita kulengeka cifukwa ŵalongozgi ŵa visopa ŵakusambizga cinthu cinyake ico mu Baibolo mulije. Magazini iyi yikulongosora umo caru cikaŵirako.”