“Mazuŵa Ghano Wakusangika Yayi”

Kasi muli kuyowoyapo mazgu agha para munthu uyo wakakhumbanga kumanya vinandi wakusangika yayi panyumba? Mwalutako kanandi waka kwa munthu uyu, kweni mukumusanga yayi kuti muthilire mbuto iyo mukapanda. (1 Kor. 3:6) Para munthu wakusangika yayi panyumba, ŵapharazgi ŵanyake ŵakumulembera kalata panji uthenga pa kapepara na kukaŵika pa mulyango. Chifukwa chakuti ŵakumanya kuti nyengo zinyake ŵazamumusanga yayi, ŵapharazgi ŵanyake ŵakupempha nambara ya foni. Mungamufumba kuti, “Kasi ningakamutumizgirani meseji?” Tikwenera kulemba ulendo wakuwelerako para munthu tamulembera uthenga pa kapepara na kukaŵika pa mulyango, kalata, kumutumizgira meseji, panji kumuyimbira foni. Nangauli wakusangika yayi panyumba, kweni tingamovwira.