UMOYO WACHIKHRISTU
Ivyo Vingatovwira Kuti Tiŵe Ŵaluso Mu Uteŵeti—Kupharazga Kwizira pa Telefoni
CHIFUKWA WULI NKHWAKUZIRWA: Kupharazga kwizira pa telefoni ni nthowa yakovwira chomene yakuti ‘tichitire ukaboni mwakukwana makani ghawemi.’ (Mil 20:24)a Upharazgi uwu ukutovwira kupharazgira ŵanthu awo ntchakusuzga kuŵapharazgira maso na maso.
UMO TINGACHITIRA:
Nozgekerani. Sankhani nkhani iyo ŵanthu ŵanandi ŵanganweka nayo. Lembani autilayini ya ivyo mukukhumba kuyowoya. Kweniso munganozgekera uthenga ufupi uwo mungayowoya para vingaŵa kuti kuli mashini agho ghakuzgora foni. Vingaŵa makora kukhala pa thebulu pamoza na autilayini iyo mwalemba na vyose ivyo mwanozgekera, nga ni foni panji kompyuta iyo yikujura JW Library® panji jw.org®
Khazikikani Maghanoghano. Yowoyani mwakawiro. Mwemweterani na kuchita majesicha ghakawiro. Lekani kugotagota. Ntchakovwira chomene kuŵa lumoza na ŵanji. Usange mweneko nyumba wafumba fumbo, werezganipo mwakukwezga na chilato chakuti munyinu wamovwiraniko kusanga zgoro
Mulekerani nkhani yakuti muzakadumbirane ulendo unyake. Para munthu walongora kunweka, mufumbani fumbo lakuti muzakadumbiskane ulendo wakulondezgapo. Mungamutumizgira buku kwizira pa e-mail panji kwizira mu nthowa zinyake. Panji mungamutumiraso mavidiyo ghithu na nkhani zinyake. Usange ntchakwenelera, muphalirani vinyake ivyo vili pa webusayiti yithu.
a Usange ntchakuzomerezga kupharazgira ŵanthu pa telefoni ku chigaŵa chinu, mukwenera kulondezga malango pa nkhani ya kuthandazga vinthu vyakukhwaskana na munthu uyo mukupharazgira ivyo vikumukhwaskani yayi.