Ivyo Vingatovwira Kuti Tiŵe Ŵaluso mu Uteŵeti—Umo Tingazgolera Para Munthu Watikwiyira
Chifukwa Wuli Nkhwakuzirwa?: Ŵanthu ŵanandi awo tikuŵapharazgira ŵakutizgora makora. Ndipouli, Yesu wakati ŵanyake ŵazamutitinkha. (Yoh. 17:14) Ntheura, tileke kuzizwa para munthu watikwiyira. Para munthu watikwiyira tikwenera kumuzgora mwantchindi kuti tikondweske Yehova. (Rom. 12:17-21; 1 Pet. 3:15) Ichi chingawovwira kuti tileke kugazgana. Kweniso chingawovwira uyo watikwiyira na ŵanthu ŵanyake awo ŵakutiwona kuti ulendo unyake ŵazakategherezge makora.—2 Kor. 6:3.
Yezgani Sachizgo Ili Mwezi Uno:
Yezgelerani pakusopa kwa mbumba umo mungakazgolera munthu uyo wamukwiyirani.
Para mwamara kuyowoya na munthu uyo wangumukwiyirani, fumbani uyo mwenda nayo nthowa yiwemi iyo mphanyi mwangumuzgolera.