‘Mazgu Agha . . . Ghakhalenge pa Mtima Wako’
Ŵapapi ŵali nga mbaliska. Ŵakwenera kupwelelera ŵana ŵawo awo ŵangapuluka na kuliwa mwaluŵiro. (Zinth. 27:23) Kasi ŵapapi ŵangafiska wuli mulimo wawo? Ŵakwenera kuchezga na ŵana ŵawo kuti ŵamanye ivyo ŵakughanaghana. (Zinth. 20:5) Ŵana kuti ŵaŵe na chipulikano chakukhora, ŵapapi ŵakwenera kuzenga chipulikano chawo na vinthu vyambura kukora moto. (1 Kor. 3:10-15) Pakuti kusopa kwa mbumba nkhwakuzirwa chomene kuti musambizge makora ŵana ŵinu, wonelerani na ŵana ŵinu vidiyo yakuti ‘Mazgu Agha . . . Ghakhalenge pa Mtima Wako,’ na kudumbiskana mafumbo agha:
(1) Chifukwa wuli mbumba ya Roman yikatondekanga kuchita makora vinthu vyauzimu? (2) Chifukwa wuli pakwamba mubali Roman wakatondeka kuchitiska sambiro la mbumba? (3) Kasi ni malemba wuli agho ghangamovwirani kuti mulere makora ŵana? (Dute. 6:6, 7) (4) Ntchivichi chingawovwira kuti muyowoyeskanenge makora mu mbumba? (5) Kasi ŵana ŵakukhumba vichi ku ŵapapi? (6) Kasi mudumbu na mubali Baro ŵakawovwira wuli mbumba ya Roman? (Zinth. 27:17) (7) Kasi mutu wa mbumba wakwenera kuchita vichi mwakutendekera kuti kusopa kwa mbumba kuŵe kwa phindu? (8) Kasi mubali Roman wakachita wuli kuti mbumba yake yambe kuchita makora mwauzimu? (9) Chifukwa wuli ntchakuzirwa kuti nyengo zose musopenge na mbumba yinu? (Efe. 6:4) (10) Kasi mungadumbiskana fundo wuli pa kusopa kwa mbumba? (11) Kasi mubali Roman wakachita wuli mwakuzika kweni mwankhongono kuti wawovwire Marcus kumanya uwemi wakuchita vinthu mwamahara? (Yer. 17:9) (12) Kasi mudumbu na mubali Roman ŵakawovwira wuli mwana wawo kuti wamazge chibwezi na Justin? (Mrk. 12:30; 2 Tim. 2:22) (13) Kasi mudumbu na mubali Roman ŵakalongora wuli kuti ŵali na chipulikano apo ŵakasinthanga vinthu vinyake pa umoyo wawo? (Mat. 6:33) (14) Kuyana na vidiyo iyi, chifukwa wuli mitu ya mbumba yikwenera kovwira mbumba zawo mwauzimu? (1 Tim. 5:8) (15) Imwe mitu ya mbumba mwaŵikapo mtima kuchita vichi?
MITU YAMBUMBA: Vidiyo iyi yikafuma pa ungano wa chigaŵa mu 2011. Kasi mukawona apo mukeneranga kusintha kuti musambizge makora mbumba yinu? Pa sono ke? Para mwawona kuti panyake pakukhumbikwira kusintha, lombani kwa Chiuta kuti wamovwira kuti mbumba yinu yizakasange umoyo wamuyirayira.—Efe. 5:15-17.