Bokosi la Fumbo

◼ Mphawuli Apo Tingaleka Kusambira Baibolo na Munthu?

Tingaleka para uyo tikusambira nayo Baibolo wakukura yayi mwauzimu. (Mat. 10:11) Ghanaghaniranipo mafumbo agha: Kasi wakusangika para tapangana nayo kuti tizakasambire? Kasi wakunozgekera? Kasi nyengo zinyake wakuluta ku maungano gha mpingo? Kasi wakuphalirako ŵanyake ivyo wakusambira? Kasi wakulondezga ivyo wakusambira? Kweniso tikwenera kughanaghanira za msinkhu wake na umo wakupulikiskira ivyo wakusambira, chifukwa ŵanthu ŵakukura mwauzimu mwakupambana. Para tikuleka kusambira na munthu, tikwenera kuchita vinthu mwamahara kuti para kunthazi wazamukhumba kusambiraso, tizakasambire nayo.—1 Tim. 2:4.