Yobu Wakathera Yayi ku Viyezgo

Yobu wakakhalanga ku Uzi pa nyengo iyo Ŵaisrayeli ŵakaŵa ŵazga ku Eguputo. Yobu wakaŵa mu Israyeli yayi. Kweni wakasopanga Yehova mwakugomezgeka. Wakaŵa na mbumba yikuru, musambazi kweniso wakumanyikwa mu chigaŵa. Wakaŵa munthu wakuchindikika, wakupeleka ulongozgi, kweniso wakeruzganga kwambura kutemwera. Wakawovwiranga ŵakavu. Yobu wakaŵa wakugomezgeka chomene kwa Yehova.

Yobu wakalongora kuti Yehova ngwakuzirwa chomene mu umoyo wake

1:8-11, 22; 2:2-5

• Satana wakasuska yayi kuti Yobu wakaŵa wakugomezgeka kwa Yehova, kweni wakakayikira usange wakateŵeteranga Yehova pawaka

• Satana wakati Yobu wakateŵeteranga Yehova chifukwa cha uryezi

• Kuti Yehova wasuske mautesi gha Satana, wakazomerezga Satana kuti wayezge Yobu. Satana wakakoma ŵana wose ŵa Yobu, viŵeto vyake, na kusakaza katundu wake yose.

• Nkhani iyi yikutiphalira kuti Satana wakakayikira waliyose

• Yobu wakananga yayi nesi kunena Chiuta kuti wananga