Chiskani Mkhristu Wakulopwa

Pa Chiŵiri, Epulero 11, ŵakulopwa nawo ŵazamwiza pa Chikumbusko. Nangauli ŵakamba makora chiphalizgano cha umoyo, kweni pa vifukwa vinyake ŵali kulopwa. Vinyake mwa vifukwa ivi vili mu burosha la Welerani kwa Yehova. (Heb 12:1) Ndipouli, ŵakulopwa ŵachali ŵakuzirwa kwa Yehova, chifukwa wali kuŵagura na ndopa za Mwana wake. (Mil 20:28; 1Pe 1:18, 19) Kasi tingaŵawovwira wuli kuti ŵambeso kuwungana na mpingo?

Muliska wakuyezgayezga kupenja mberere yakuzgeŵa. Mwakuyana waka ŵalara nawo ŵakuŵikapo mtima kovwira Ŵakhristu awo ŵalopwa. (Lu 15:4-7) Ivi vikulongora kuti Yehova ngwachitemwa. (Yer 23:3, 4) Ndipouli, tose tingawovwira ŵakulopwa, kuti ni mulimo wa ŵalara pera yayi. Para tikuyezgayezga kovwira ŵakulopwa mwalusungu, Yehova wazamutitumbika. (Zi 19:17; Mil 20:35) Ntheura tikwenera kovwira ŵakulopwa mwaluŵiro.

WONELERANI VIDIYO YA CHISKANI ŴAKULOPWA NDIPO PAMANYUMA ZGORANI MAFUMBO AGHA:

• Kasi Abbey wakachita wuli wakati wasangana na Kaboni uyo wakamumanyanga yayi?

• Chifukwa wuli tikwenera kuphalira dankha ŵalara para tikukhumba kovwira wakulopwa?

• Kasi Abbey wakanozgekera wuli kuti wakamovwire Laura paulendo wachiŵiri?

• Kasi Abbey wakalongora wuli kuzizipizga, kuzikira na chitemwa apo wakachiskanga Laura?

• Kasi tingasambirapo vichi pa ivyo Yesu wakayowoya pa Luka 15:8-10?

• Ntchivichi chikachitika Laura wati wawovwirika?