Ivyo Vingatovwira Kuti Tiŵe Ŵaluso Mu Uteŵeti—Kusintha Nthowa Zakupharazgira

CHIFUKWA WULI NTCHAKUZIRWA: Ŵakuphakazgika na ŵamberere zinyake ŵakuchema ŵanthu ŵa mitundu yose kuti ŵatore “maji gha umoyo kwawanangwa.” (Chiv 22:17) Maji gha umoyo ghakwimira vyose ivyo Yehova wakupeleka kuti wawombore ŵanthu ŵakupulikira ku kwananga na nyifwa. Kuti tiŵawovwire ŵanthu awo ŵakusopa Yehova yayi, tikwenera kuŵaphalirako “makani ghawemi ghamuyirayira” mu nthowa yakuti yingawovwira munthu waliyose payekha.—Chiv 14:6.

UMO MUNGACHITIRA:

• Sankhani nkhani na lemba ilo lingaŵafika pamtima ŵanthu mu chigaŵa chinu. Mungasankha masachizgo agho ghakuŵa pa chigaŵa cha pharazgani mwaluso, panji nthowa yiliyose iyo mukuwona kuti njakovwira mu chigaŵa chinu. Kasi ni nkhani wuli kweniso malemba agho ŵanthu ŵakunweka nagho? Kasi pali nkhani yasonosono iyo ŵanthu ŵanandi ŵakutemwa kudumbiskana? Kasi ni nkhani wuli iyo yingafika pamtima mwanalume panji mwanakazi?

• Para mukupharazga mungasazgamo malonje kweniso nkhani izo zikumanyikwa makora mu chigaŵa chinu.—2Ko 6:3, 4.

• Mukwenera kughamanya makora mabuku ghithu kweniso mavidiyo agho tikusambizgira ŵanthu awo ŵakunweka

• Mungachita dawunilodi nkhani zakupambanapambana mu viyowoyero ivyo ŵanthu ŵakuyowoya mu chigaŵa chinu

• Sinthani nkhani kuyana na munthu uyo mwamusanga. (1Ko 9:19-23) Mwachiyelezgero, kasi mungayowoya vichi usange mwasanga munthu uyo wanguŵa na nyifwa mwasonosono?

WONELERANI VIDIYO, NDIPO PAMASINDA ZGORANI MAFUMBO AGHA:

• Kasi mupharazgi wangwamba nkhani wuli kuti wadumbiskane na mweneko nyumba?

• Kasi vinthu vikaŵa wuli kwa mweneko nyumba?

• Kasi ni lemba wuli ilo wangusankha makora chomene mu chidumbirano ichi, ndipo chifukwa wuli?

• Kasi mukuchita wuli kuti musinthe chidumbirano kuti muŵafike pamtima ŵanthu mu chigaŵa chinu?