Kasi Muzamuchitako Upayiniya Wakanyengo mu Mwezi wa Malichi panji Epulero?

Kasi mungatemwa kusazgirako uteŵeti winu mu nyengo ya Chikumbusko? (2Ko 5:14, 15) Mu mwezi wa Malichi na Epulero munthu wangasankha kuchitako upayiniya wa maora 30 panji 50. Para namwe mungakwaniska, lembani fomu na kupeleka ku Komiti ya Uteŵeti ya Mpingo winu. Mwezi uliwose, mazina gha awo ŵazomerezgeka kuchitako upayiniya wakanyengo uwu ghazamupharazgika ku mpingo. Ivi vizamovwira kuti ŵabali na ŵadumbu mu mpingo ŵendenge nawo lumoza mu uteŵeti kuti ŵafiske makora maora ghawo. Mphanyi tose tachita ivyo tingafiska mu nyengo ya Chikumbusko iyi, kuti tisazgireko maluso ghithu mu uteŵeti kweniso kukhozgana.​—1Te 5:11.