Namwe Mungawovwirapo Kuti Mbumba Yinu Yiŵe Yakukondwa

Yehova wakukhumba kuti mbumba zikondwenge. (Sa 127:3-5; Mu 9:9; 11:9) Nangauli vili nthena, kukondwa kwithu kungatimbanizgika chifukwa cha vyakuchitika vya mu charu ichi, kweniso ivyo ŵabali ŵithu mu mbumba ŵanganangiska. Kasi waliyose mu mbumba wangachita vichi kuti wawovwire mbumba kuŵa yakukondwa?

Mfumu wakuchindika muwoli wake. (1Pe 3:7) Wakuchezga nayo. Wakukhazga vinandi yayi kufuma kwa iyo, ndipo wakulongora kuti wakuwonga pa ivyo wakumuchitira kweniso ivyo wakuchitira mbumba yose. (Kol 3:15) Wakumulongora chitemwa na kumulumba.—Zi 31:28, 31.

Muwoli wakupenjerezga nthowa za umo wangawovwilira mfumu wake. (Zi 31:12) Wakujilambika kwa iyo na kukolerana nayo. (Kol 3:18) Wakuyowoya mwantchindi kwa iyo kweniso vyakukhwaskana na iyo.—Zi 31:26.

Ŵapapi ŵakuchezga na ŵana ŵawo. (Do 6:6, 7) Ŵakuŵaphalira kuti ŵakuŵatemwa. (Mt 3:17) Para ŵakuŵalanga, ŵakuŵalongora chitemwa na kuŵaghanaghanira.—Efe 6:4.

Ŵana ŵakuchindika na kupulikira ŵapapi ŵawo. (Zi 23:22) Ŵakuŵaphalira ŵapapi ŵawo maghanoghano ghawo kweniso umo ŵakujipulikira. Ŵakuzomera chilango icho ŵakupokera kufuma ku ŵapapi ŵawo ndipo ŵakuŵachindika.—Zi 19:20.

WONELERANI VIDIYO YA MUTU WAKUTI, IVYO VINGAMOVWIRANI KUTI MUKONDWENGE MU MBUMBA YINU, NDIPO PAMANYUMA ZGORANI FUMBO LAKULONDEZGAPO ILI:

Kasi waliyose wakuchitapo chigaŵa wuli kuti mu mbumba muŵe chimwemwe?