UMOYO WACHIKHRISTU
Ŵaliska Awo Ŵakuŵikapo Mtima Kovwira Ŵanthu ŵa Chiuta
Ŵanthu ŵanandi ŵakuŵawona makora yayi ŵanthu awo ŵali na mazaza. Ndipo tikupulikiska chifukwa chake. Ŵanthu awo ŵali na mazaza kanandi ŵakuchitira nkhaza ŵanthu awo ŵali pasi pawo kuti iwo ŵasange chandulo. (Mik 7:3) Ise tikuwonga chomene chifukwa ŵalara awo tili nawo mu mpingo ŵakuchita nthena yayi. Iwo ŵakugwiliskira ntchito makora mazaza ghawo kuti ŵanthu ŵa Chiuta ŵasange chandulo.—Es 10:3; Mt 20:25, 26.
Ŵalara ŵakupambana chomene na ŵanthu awo ŵali na mazaza mu charu ichi. Iwo ŵakuchita uteŵeti wawo chifukwa chakuti ŵakutemwa Yehova na ŵanthu ŵake. (Yoh 21:16; 1Pe 5:1-3) Ŵaliska aŵa ŵakulongozgeka na Yesu ndipo ŵakovwira kuti mupharazgi waliyose wajipulike kuti ngwakupokelereka mu mbumba ya Yehova. Ndipo ŵakovwira ŵasopi wose ŵa Yehova kuti ŵaŵe nayo paubwezi wakukhora. Iwo ŵakuchedwa yayi kovwira mberere za Yehova mwauzimu, para zalwara panji para zasangana na masoka ghachilengiwa. Para mukukhumba wovwiri, fwatukani kuluta kwa mulara mu mpingo winu.—Yak 5:14.
WONELERANI VIDIYO YA MUTU WAKUTI, ŴALISKA AWO ŴAKUPWELELERA MSKAMBO, NDIPO PAMANYUMA ZGORANI MAFUMBO GHAKULONDEZGAPO AGHA:
Kasi Mariana wakasanga chandulo wuli na ulongozgi wakufuma ku ŵalara?
Kasi Elias wakasanga chandulo wuli chifukwa cha ulongozgi wakufuma ku ŵalara?
Kasi ivyo mwawonelera mu vidiyo vyamovwirani kuti muwonenge wuli milimo iyo ŵalara ŵakuchita?